شمس الضحى غابت اِبارض الغاضريّه=يوم وقع جسم الولي فوق الوطيّه واتزلزلت لفلاك يوم اَنّه هوى اوطاح=اُوياهي مصيبة يوم مهره للخيم راح فرت بنات المصطفى ابضجات واصياح=بدر الدجى ضمه اتراب الغاضريّه حام اُوصهل مذعور يصهل يم لخيام=اينادي يبنت المصطفى لمي هليتام زينب كفيل ايتامكم فوق الثرى نام=قومي استعدي للمصايب يا زكيّه سمعت عويل في الخبا اُوقامت تنادي=يا مهر خبرني وقع وينه اسنادي في اي كنز طايح ولينا اُو اي وادي=في وين خبرني وقع راعي الحميّه اسمعها اُوناداها يمحزونه تعالي=ويا حريم اللي بقت من غير والي صاحت ينور العين يا ذخري اوجمالي=ابتمضي اُو تتركنا يخويه في اذيّه نادى عليها يا حزينة واهمل العين=انكان يا زينب على اجروحي تنشدين ألف اُو تسعميّة اُو تسعة فوق تسعين=اُوتالي الأمر أبقى على الغبرة رميّه نادى عليها يا حزينة ابدمع سفّاح=ما ظل في جسمي خلي موضع بلا اجراح أمّا ضرب باسيوف والاطعن بارماح=اُوراسي ايعلونه ابراس السمهريّه واِنكان خلّوا لك ردي سوي لي اظلال=اُوقولي لبوا محمّد يجي ويجيب شيّال اَنا لمدلل لا تخلّوني على اِرمال=فوق الثرى طايح على الغبرة رميّه