يحسين ريض بالنعش للهاشمية هذا سليل المصطفى الهادي محمد=ومهجة الزهرة والوصي هذا الممجد بحر الكرم منه إنغرف أعدائه تشهد=ماخذ صفات المصطفى خير البرية ماگصروا بالمجتبى گطعوا چبده=ظل مرمي بفراش المرض من فعل جعده وحسين يصفگ راحته ودمعه إعلى خده=ويصيح بعدك يالأخو الدنيا دنية گال الحسن خويه الطشت متشيله عني=خوف الوديعه تعاينه ويزداد وني ماخاب ظني يالأخو ماخاب ظني=إتگاسي إختنه مصرعك بالغاضرية زينب إجت إتمرضه إبحالة كئيبة=تمسح على چبده عسى تبرد لهيبه گالت يخويه من شفت نار المصيبة=حسيت گلبي منصرع فوگ الوطية هذي وديعة والدي حيدر الكرار=إختي المصونه إبذمتك وإنت لها جدار ليكون تبگى بالسلب حسرة بلا إخمار=والله يزينب ضيعتچ غصبا عليه غمض عيونه المجتبى وضجت العيله=زينب إجت يم الأخو مثل العليلة گالت يخويه سفرتك كلش طويلة=أتمنى وياك أندفن هاي المسية