في ظهيرة العاشر زينب گصدت إتحشم وليها من خيل العده هجمت عليها وتنادي رحت وين=يبن أمي يالحسين خويه هذي الخيل اجتنه=إو وصل أولّها الخدري وما بگه عندي اليرد=الخيل يا عزّتي إوضخري گضت بالميدان كلها=چتل يبن أمّي إوتدري وانداست إحدود الخيم=من عگب شيال العلم ومروّعه إگلوب الحرم=والنواظر بگت تذري وظلّينه حرم من هجمت الخيل شنسوي إو عينه چلچل الليل ننطي الوجه لا وين=يبن أمّي يالحسين خويه ماني أختك وإجيتك=وأنده بإسمك وحشمك يا بگايه كل أهلنه يبو=اليمّه إو جيت يمّك خويه أسوم أعليك أبونه=أو جدنه وأم الحسن أمّك يگوه يمن بيك العزم=خويه يطاعون الزلم ما عدنه غيرك يا شهم=يالبحت للدين دمّك إتهب إبشيمتك تنتهض لينه وإتردّ العده الهجمت علينه إتنشّفت دمعة العين=يبن أمّي يالحسين خويه تدري الگوم تطلب=من أبوك إديون إلها لفت آل وبني امعلجه=بالطفوف احضرت كلها ما كفاها چتل گومك=هجمت إعلينه إبحملها خويه فرد هجمه إهجمت=لمدللينك روّعت لله ورسوله ما رعت=لبست العار ابفعلها أو وجّوا بالخيم يحسين نيران أو بين الخيل تتعثر النسوان يا عله التكوين=يبن أمّي يالحسين أطفالكم بالبيده هجّت=حايره بيها إشيلمّها صار كل واحد إبجبهه=والعده تدري إبظلمها والنسه إنسلبت يخويه=اوگبعت ابذاري هظمها فرّت ابوادي كربله=الچانت مصونه امدلله بس المدامع هامله=شرد أوصّفلك سگمها والسجّاد وكل ونّه اليوّنها لو فوگ الجبل چا جزع منها واتفسّر غده اطحين=يبن أمّي يالحسين حايره لو صار باچر=والركايب حضّروها ابلا هوادج يا عزيزي=امخدراتك ركّبوها واليتامه احبال خشنه=بالمخاوف جتّفوها ولا واحد الگلبه انكسر=حَّنْ البواجيها الصخر المتربّيه ابحجر الفخر=يالعلي والله ولوها المتربي ابحضن عزّه او جلاله تبچي من تصد واتشوف حاله وتتلاوع خواتين=يبن أمّي يالحسين خويه كل هذه السمعته=ايهون لاچنّي أرد أنشدك يا هو اليباري اعيالك و=انت فوگ الگاع خدك من عگب حامي الظعينه=گلي منهو إيداري أختك عباس أدري إبشيمته=ما تقبل أبدّن غيرته أجناب تنظر عيلته=إلمن إلمن ضام جهدك ما يرضه الشهم واحد يجينه غيره اجنبي او ينظر علينه لاچن صوّبه البين=يبن أمّي يالحسين اشلون عندي عين و=أنظر راسك ايباري الظعنه او جسمك إنخليه رميّه=يا توالي كل أهلنه إبلا دفن وامگطعينك=والمثلث يا أملنه گطع سبابيح الجبد=ضحيته للي ينعبد لولاك ما تم الحمد=چان ردّينه الوثنه انت الشيّدت للدين رايه آيه امحصّنه ابنور الولايه افتخرت على الكونين=يبن أمّي يالحسين