كربلاء ديني وحسين أكتابي=شيعي والدنيا تحسب احسابي آنه سر المرجله وتفسيره=أصبع امن اچفوف راعي الغيره ما يهمني الحاقد وتحذيره=بجدمي أسحگ هامة الوهّابي كربلا سر الحياة وديني=ومن تراب الطف تكوّن طيني الله ما يخلقني لوﻻ أحسيني=چان غايب آنه قبل اغيابي شيعي وأعله الغيم رافع راسي=الهسه دخان الخيم بأنفاسي اسأل الغيره وتگلك شيعي=ابموضع التربه أنكتب تشريعي عاهدت وأعله الشمس توقيعي=آه يحسين ومصابه أمصابي الرايد ايخوّفني وأيحز نحري=والله هذا جاهل وما يدري أقل شيء لحسين أقدم عمري=مني مرهوب وتسمه إرهابي للشعاير .. ناده صوت أجروحي=بيهه ما أجامل وحگ مذبوحي روحي لو عادتهه أطلع روحي=المطر دمعي .. الجفن سيابي بعد ما أتقبل ايلوموني=آنه حر أبدمعتي وأعيوني فدوه كل أعقولهم لجنوني=كل ذهبهم يسجد أعله أترابي