يا زمره الهشمت صدري=مظلومه و ضايع گبري هم بيه العالم تدري * * * مظلومه ارحلت يا ناس=بعْد الهادي ظلموني من عين النبي غمضت=و زمرة غدره اتولّوني آذوني و ما حشموني= و بحجابي ما راعوني من هجموا على داري=و خلف الباب عصروني من عصروني خلف الباب=عرفَوا ما عليّه احجاب هم بيه العالم تدري * * * لوَن يدري اشجره اعليّه =إذا يسمعني يتحسّر آنه ابنة نبي الأمّه = و صحبه اعليّه تتجسّر و هوه الچان ايوصّيهُم =من بعده الحال اتغيّر من نحلتي منعوني=و اخذَوا فدَك واتصادَر هجمَوا عنوَه و بإصرار =لنِّي اوديعة الكرّار هم بيه العالم تدري * * * وصّاهُم نبي الرحمان=لكن ما رعولي احجاب حين الدفعَوا باب الدار=بالمسمار صدري انصاب زمره الچانت اتنادي=للهادي احنه اﻷصحاب نكروني و نكرَوا حيدر=و انگلبَوا على اﻷعقاب لا تقدير و لا إنصاف=و نكروا حگي ابكل إجحاف هم بيه العالم تدري * * * ربّ البشر كرّمني =و يخدمني الملَك جبريل حور و ملَك تخدمني =يا هي الحظت هالتبجيل من بعْد النبي ظلّيت=بس الدمع منّي ايسيل اذا ادعي اعله الظلموني=دنياهم تخسف و اتميل شتقدّم باچر أعذار =بيدي الجنّه وبيدي النار هم بيه العالم تدري * * * راح اذكرهم بالأسماء =يوم المحشر و افضحهم و بيهم كلمن الصدگ=و المَد إيده و صافحهم و كلّ الّتي اتعاديني= تفضحهم ملامحهم و الله الهشمَوا اضلوعي=ابسقر و النار تلفحهم ابوگفة ساعة المحشر=ياويله الذي اتجسّر هم بيه العالم تدري * * *