إلك تشتاق روحي .. ويعز يومك علية وإذا تخطر في بالي .. يهيج الحزن بية آه يا خوية .. فدوة لك روحي وهلي ذوبتني .. مصيبتك يا بو علي يا بو علي آنا ما ضاعت يتاماي ولا حرمت آل أمية اعلية الماي وراسي ما صار بفيافي وصحرى مشاي ولا رضضت جثتي بالحافر أعداي لكن آنا ترى كثرة ظلاماتي حتى من شيعتي خوية جراحاتي وين قبري أنا ووين مناراتي لية احجار وممنوعة زياراتي صدق آنا ما أخروا تشييعي أيام لكن على عشي ظلت تمطر أسهام وراسي ما راح برمح من الكوفة للشام لكن عن أجدادي منعوني الظلام ما لي أنصار مثل أنصارك تعينك تنذبح دونك وتفنى فدى عينك مثل موتك أموت وأنذح ظامي لو إلية أنا إثنينه وسبعينه وياك خذني .. يالحبيب الأولي ذوبتني .. مصيبتك يا بو علي إلك تشتاق روحي .. ويعز يومك علية وإذا تخطر في بالي .. يهيج الحزن بية آه يا خوية .. فدوة لك روحي وهلي ذوبتني .. مصيبتك يا بو علي تذكر طفولتنا واحنا أحلى بدرين في حجر واحد ربينا يا ضوى العين ما خلق الله مثلنا في الملا اثنين روحك أنا وانت روحي خوية يا حسين شتتونا وضاع لشمل يالغالي عقب أمنا وعقب ما طبروا الوالي صارت أحوالك تسليها أحوالي وضاعت آمالك بضيعة من آمالي جتنا المصايب مثل ماي المطر سيل جبدي وية قلبك يا خوية قاسو الويل همي يرض قلبي ياللي رضته الخيل ودنيانا والله صفت أظلم من الليل إنت ظلمك يا خوية بعيد عن طيبة والوطن شق عليك امن الحزن جيبه وآنا ظليت في غربة وسطت ادياري والغريب ابدياره .. مصيبته مصيبة رغم جرحي .. ورغم قلبي المبتلي ذوبتني .. مصيبتك يا بو علي إلك تشتاق روحي .. ويعز يومك علية وإذا تخطر في بالي .. يهيج الحزن بية آه يا خوية .. فدوة لك روحي وهلي ذوبتني .. مصيبتك يا بو علي احسب ياخوية الألم حسبة المصيوب صدق آنا ما لية نسوة قطعت دروب لكن إلية قلب تبجي له القلوب حتى الصخر يا عزيزي بهمه يذوب الجرح بالكلام أصعب إذا جانا والسهم لو يصيب أهون من إلسانه قالوا آنا مذل المؤمنين آنا وشكثر صعبة القلب الذي عانا الموت أدري صعب لوقابل إنسان واصعب من الموت إلية جرح للسان ما بقت أحبابي لية دين وإيمان ليت آنا من صرت تحت الخيل ميدان ورد واقول يا خوية محنتك أصعب لاني آنا في عهدي معززة زينب وبعدك إنته الوديعة ويلي تتغرب ولا أشد من مصيبتها ولا أعجب مثلك آنا .. حتى ناصر ما إلي ذوبتني .. مصيبتك يا بو علي إلك تشتاق روحي .. ويعز يومك علية وإذا تخطر في بالي .. يهيج الحزن بية آه يا خوية .. فدوة لك روحي وهلي ذوبتني .. مصيبتك يا بو علي