فی المولد النبوي الشريف هالليله من برج النبوّه ظهر=أشرك إوضيّف على الدنيا گمر هالليله من برج المجارم لمع=نور النبوّه إبسمه العالم سطع وإيوان كسرى إبهالفضيله انصدع=اتداعت تشاريفه وهوت وانفطر هالليله المبشّر لفه امن السمه=إو بشّر العالم بالفخر والنمه إبمولد (محمد) واليضدّه عمه=ما يعرف إيميّز الحصو إمن الدرر مبتهجه الأكوان ابضوه غرّته=ومعيّده كل الذي والته وأهل الوثن من يومها عادته=امن الكعبه طاح العبدته وانكسر جبريل يتشرّف إله من يصل=من يعتنيه بأحكام ربّه ايحمل خصّك الباري سيّد اعلى الرسل=جبريل گله بأمر ربّ البشر اسلام سوّه ابعزمه وبهمّته=وبسيف ابن عمّه علي اونصرته للباري خلّه اهل الوثن عبدته=بالسيف أبو الحسنين راعي الفخر ياهو الذي غيره انوصف بالحرب=سجّيل سيفه على العسكر يصب خلاها تنطق بالشهاده غصب=ياهو اللي غيره لعد مرحب شطر (عمرو بن ودّ) وجيوشها امن اعتنت=وناده (محمد) والإسلام إحضرت من حربه الإسلام إجبنت وإخنست=من غير حيدر گصد ليه إوطبر؟