شالوا الأهلّة فوق روس السمهريّه=بدعه ابدعوها في الورى بني اُميّه لا تزلزلونا سيّرونا ابمقدرتنا=إحنا غرايب والمصايب داهشتنا ليت المنايا قبل اَهلنا عاجلتنا=لَحد يخويه ظلّت الخيمة خليّه متراقب الله يالذي اتحث الركايب=اُو متقول ابرحمهم لجل انهم غرايب عتبي على السبع الذي بالنجف غايب=لو شافني بو اِحسين ما يراضي عليّه قلت الشيمه والحميّة والمروه=اُو لنذال قالت في اِهل بيت النبوه لو كأن بيدي ما ركبت الجمل قوه=ما هيّه هينة أمواجهتنا ابن الدعيّه بس الله الله في أهل بيت الرساله=واَهل الحميّة والمروة والجلاله ما كنّه أحمد اموصيكم إباله=وصّى ولكن ما حفظتون الوصيّه ياللي تجد السير يالله قلبك اغليظ=اتسوق الظعينة ابلا تواني اُو عندنا امريض هوّن علينا ذوبتنا اشموس هالقيض=سيروا اشويّه اُوريّضوا بينا اشويّه قلبك شديد اُوماكنة بيه العداوه=هذي يتامانا على الهزّل تلاوى حميت علينا الشمس واحنا ابلا كجاوى=ما معودة بالسير واركوب المطيّه كلما مشينا وانقضت في السفر ايام=قالوا لنا العدوان باكر ندخل الشام قلت استعدوا للبلى اُوصبروا يليتام=مكتوب هذا من قبل يجري عليّه عجت علينا الشام كلها اصغار واكبار=هذا علينا اتراب يحثي اُوذاك بحجار اُومن عظم خجلتنا نسينا كلما صار=اُوهذا ينادي جت بنات الخارجيّه يا شايلين الروس فوق السمهريّه=ريضوا لنا ابلظعون ساعة فلكيّه ريّض يحادي بالهزل خلنا انتناجا=قلها دقومي مالكم بحسين حاجه صدره امرضض والشمر هبّر أوداجه=وانتي أسيرة والامر ذاليوم ليّه زينب انا ادري لو الأمر لك ما مشيني=قومي اركبي الناقة اُوخلّي عنّك احسين نادي على اخوانك اُونادي من بغيتين=طاحت الدوله بالثرى اُوزالت الفيّه لو توقفي امن اليوم لا يوم لقيامه=ابدا فلا اتسمعين لفظه من كلامه قالت عجّل يخليصي امع السلامه=غصب عليكم رايحه اُوغصب عليّه مرت على اخوتها اُو نادتهم من ابعيد=يا خايضين الموت قعدوا يا صناديد ترضون زينب تمشي الشامات ليزيد=وانتو هل الغيره اُوهل الشيمة الأبيّه شبّان عشنا في ذرا الله اُوفي ذراكم=قوموا ادركونا ما تعودنا ابجفاكم منروح عنكم لا ترونا اُولا نراكم=شالوا بنا العدوان واردا ما عليّه يا قاطعين ابنا الوصل ما يقطع الله=يهلي تفارقنا الكل في جيرة الله سوق الظعينة يا علي اتوكل على الله=اعرفت الذي لي يا علي واللي عليّه