عــــدد الأبـيـات
0
عدد المشاهدات
6999
تاريخ الإضافة
03/09/2019
وقـــت الإضــافــة
11:07 مساءً
(فوانيس القصايد)
عيوني تعثر بالسوالف
والدموع تذوب سكته
وينفتح واهس عذابي
محجره خدود انتظاري
ولانده يغازل عطشها
والمدينة تلفني بزلوف الشجر حنّة يتامه
وتخجل الخطوات تعبر ديرة ظنوني الغريبه
يا كبر وحشة دليلي
والليالي أطوف همه بروح صفصافه قديمه
ويشتعل بيه العطش مثل النوارس شوگ أبيض
وأشرب الچلمات زخات وأدور عالحنين
اليرسم بوجه الشبابيچ انتظارك
لوني من لون المواني الهاجرن عنها الشواطي
احصد من الليل جمار الظلام
وأغرف السكته بفوانيس القصايد
أبتدي بآخر محطه وأنكسر بأول حنين
روحي نافورة ضوه بخلگ الشوارع
تطحن أيامي بخصرها وانحني بكل سچه عين
شوگي شمّنه الدروب وخضّر بروس الجوامع
أنطفي بريحة عتب .. تشعلني وين ؟
يالمشيت وما گلت يمته انته راجع ؟
2010م
عيوني تعثر بالسوالف
والدموع تذوب سكته
وينفتح واهس عذابي
محجره خدود انتظاري
ولانده يغازل عطشها
والمدينة تلفني بزلوف الشجر حنّة يتامه
وتخجل الخطوات تعبر ديرة ظنوني الغريبه
يا كبر وحشة دليلي
والليالي أطوف همه بروح صفصافه قديمه
ويشتعل بيه العطش مثل النوارس شوگ أبيض
وأشرب الچلمات زخات وأدور عالحنين
اليرسم بوجه الشبابيچ انتظارك
لوني من لون المواني الهاجرن عنها الشواطي
احصد من الليل جمار الظلام
وأغرف السكته بفوانيس القصايد
أبتدي بآخر محطه وأنكسر بأول حنين
روحي نافورة ضوه بخلگ الشوارع
تطحن أيامي بخصرها وانحني بكل سچه عين
شوگي شمّنه الدروب وخضّر بروس الجوامع
أنطفي بريحة عتب .. تشعلني وين ؟
يالمشيت وما گلت يمته انته راجع ؟
2010م