يُّمه أطمنج عليه = قطعتّهن ايديه وفيتج بعيني = جفيني يا حره ربّيتي = وضحيتي اطمئني و آنه جايبلج خبر زين = أربعتنه يُّمه رحنه فدوه لحسين من تسألين اعله روحي و النفس وين = روحي يُّمه للأخوة وفّت الدين صوغتي من الطف ييُّمه دني الأثنين = خبر قطع اجفوف ايديه و نبلة العين يُّمه ولدج نِشامه = ما رجعنه بسلامه آنه أوصي بخواني = بإيماني و الخاطر العِشرة = و العترة و آنه آخر منية = قطعتّهن ايديه أحمد الله يُّمه صدري خلّص أنفاس = روحي صعدت للسمه وياها حُراس انتي خليتي المنية عدنه مقياس = قلتي تنذبحون لازم و أرفع الراس جان راية أرواح اخوتي يوصل إحساس = لأمنه قالوا و اليوصله انت عباس حملّوني أمانة = رفعي راسج ورانه شلتي الصبر راية = و الغاية بيه الجمر ضوّه = للنخوة من خذتني الحمية = قطعتّهن ايديه آنه أوصيج بوصية يالأصيلة = يُّمه ودي لي سلامي للعقيلة آنه أدور الصبرها عن مثيله = من سبوها ما كو واحد تشتكيله هي تدري بالكفالة مو قليلة = و آنه أدري عقبي هية هم كفيلة يُّمه لآخر عمرها = آنه حارس خدرها آنه الي عرفوني = وصفّوني يا يُّمه واسيها = طمنيها عني راحت سبية = قطعتّهن ايديه من تلّقيت السهم و انطيته دمي = قلت له من تنذبح نظرتي آنه سمي قلت له راح أكتب خلودي و أجلي همي = يا سهم و الدم مدادي و انت قلمي السهم حيّر فضوله هذا عزمي = قلت له أريد بهذا موتي تفرح أمي اشلون أضيع رباها = الله يرضه الرضاها هاي اللي بأفكاري = بإصراري و اشلون ابن حيدر= يتعّذر عالعهد يالأبية = قطعتّهن ايديه آنه عند ظنج ييُّمه شوفي قدري = حسين قلي من أتركه أحني ظهري عندي منزلته ييُّمه بيها يدري = هوه أخويه و هوه إمامي و هوه ذخري نحره من انحز ييُّمه قبله نحري = صدره من انرض ييُّمه قبله صدري صاح من طاحت ايدي = راح أخويه و عضيدي شفته انخطف لونه = و اعيونه و إقبال شمّاته = آهاته ردت أدي التحية = قطعتّهن ايديه إنتي مو بس امرأة و حيدر رضاها = جان نسّاب العرب يعرف أباها غيرتج محد عرف سر محتواها = وين أكو مثلج مرة اتضحي بظناها سيرتج من يدري بيها الما قراها = يقول ماتت فاطمه و الله حياها ما تُمرني الهزيمة = و أمي هاي العظيمة انتي الوره أفعالي = و ببالي يا نور القلبي = و بدربي هذا نصرج هدية = قطعتّهن ايديه آنه ضامي ما تركته جمري يخمد = اشلون يم نيران زينب قلبي يبرد روحي جفت بس ضميري شفته ورّد = و النهر من عاينت له بيه ما صد متت ضامي ما شربته ربي يشهد = آنه هسه يُّمه قاعد يم محمد قلي اخذ البشارة = صار جفج منارة لمن تلقّاني = ضمّاني شفته ابتسم قائل = يا كافل هاية ثمرة قضية = قطعتّهن ايديه