يَم بنت الزچيّه = ظهر إبن الدعيّه بحقاده رجع هاليوم = يلمهدي ولينه گوم ظهر إبن الدعيّه ظهر مولاي هذا إيزيد شيطان = خنزير إو يريد إيصير إنسان مو واحد غده أنواع وألوان = كُل واحد حقد وأضغان مليان يكرهون الفضيله = يحبون الرذيله كُل شيعي صُبَر مهموم = يلمهدي ولينه گوم ظهر إبن الدعيّه ظهر بالشام مولانه النواصب = يكرهوكم حقد عدهم يغايب أحفاد اليزيد الشر يصاحب = إجَوا هاليوم كُل ملعون كاذب نفسهم آل أميّه = يريدوها سبيّه وإبزينب تحيط إغيوم = يلمهدي ولينه گوم ظهر إبن الدعيّه على صرح العقيله إتحوم أحقاد = يريدون السبي مرّات ينعاد هذوله للشمر إولاد وأحفاد = إنهض سيدي هذا الظلم ساد حفيدة طه زينب = تنادي إبنار تلهب وينك ياأملنه دوم = يلمهدي ولينه گوم ظهر إبن الدعيّه ياعباس وينك سيدي النار = تحيط إبزينب الحرّه يمغوار أضن ما تقبل الحوراء تحتار = تجيها إبغيرتك تحميها للدار كفيل إنتَ يعباس = أبد مَتْدَنگ الراس تمحي كُل شمر مذموم = يلمهدي ولينه گوم ظهر إبن الدعيّه ياعباس لازم تخبر إحسين = عن حال العقيله إو تجري العين حاطوا بالگبر ذوله الشياطين = يهدمونه يريدون الملاعين ما يِدْرون بالروح = گبرها إيعيش مجروح صرحها إبكُل گلب موسوم = يلمهدي ولينه گوم ظهر إبن الدعيّه