(حرز المواجع) رفّ جنح جبريل عالهم فززه=وأعلن ابرّج الفلك نصب العزه ناده جبريل ابحزن يهل الحزن=شدو بحر من الدمع طرف الجفن الليله عرش الهم نسه همّه ويونّ=الليله خلو النوح يكتب معجزه الليله كل دهر ايتنصّب موكبه=والعوالم مأتم اتحط ناحبه الماضي للحاضر يواسي بساچبه=وكلمن بصدره المواجع محرزه الليله يا صبرالذي صبره ايحمل=فارگ اعيون الأهل سيد الرسل اتگابلو اهل العبه بدمع اليهل=ياسهم بيهم رحيله غرّزه اتگابلو شبلين ابو الحمله بدمع=كل گلب منهم تلّوع منفزع فرگت الهادي ابد ما تنجرع=مصابه بالمهجه تنصّب مركزه اتگابلو بالنوح ظنوة فاطمه=والمهج بالهمّ تجلّت مظلمه والحزن شد عالنوا ظر ملحمه=نزلت الخدها المدامع راجزه طاحو ابلهفه على جسم الحبيب=وظاگت اصدورالهواشم بالنحيب لا تغيب بعبره صاحو لا تغيب=عگبك اسهام الهظيمه امغرّزه طاحو ابدمع اليهل عالمصطفه=من عگب عينك عله الدنيه العفه عنّه يا جدي جفن عينك غفه=وأوجرت بينه الهموم امحيزه والله يا جدي ندب صوت الحَسن=هذا دلالي اعله فرگاك انسحنّ فرگتك يا طه بيدر من محن=واصبحت روحي ابحزنها امطرّزه ناده ابو اليمه يسلوة مهجتي=عگبك اشلون وتهيّد دمعتي وانته يا جدي الچنت كل دنيتي=يا فكر ينسه اعله گلبه ما جزه مرّدت صدرالوحي كل هالصور=بالوداع ولوعته گلبه انفطر ذوّ بت چبده المواجع والقهر=والمواجع للمناحه امحفّزه