( بحر المعرفه ) نحبت الدنيه ونعه ناعيها=راح بحر المعرفه وراعيها نحبت الدنيه وتهل دم الدمع=والشمس أخفت ضواها منفزع امسه بحر المعرفه بي منفجع=بروح ابو موسى رحل ساعيها سالت ادموع العلم راح الچفيل=وبحزن جن وأنس تنعه الخليل مرّد امصاب الولي لبّ الدليل=وأفگدت سوح الفكر داعيها يتّم أركان العقيده بروحته=وبيده هالمنهج تعلّت رايته مصدر أحكام المواجع مهجته=بسّم ربات الشيطنه امگطّعيها حدّر بمركب صواريه الآلم=والچبد من شدت اللوعه انجسم اتحمل السم ومواجع وإلتزم=وروحه بالهم العده امصدّعيها آه صاحت شيعتك دار العلم=يا سليل الغانمه وبيدر حلم الليله ليك أمر الحزن كله يهمّ=والدموع الفگدك امفزعيها الليله لمصابك نوا ظرنه تهل=والصدر يكتبلك بلطمه رُسل يا فرع للمصطفه ايرد للأصل=ومن اصوله المعرفه مفرّعيها نوح يا صوت الشعر وأنعه المشه=وانتحب للگطّعوا منه الحشه الليله روحه اتلوج بالهم موحشه=والشماته بغدرته امروعيها الليله لبن الباقر انمرّد الصدر=وخلّه لگلوب المله حزنه يطر وخله مدمعنه عله الراحل يدرّ=دمعته بنار اللضه انوعّيها الليله روحك يالموالي امفوّضه=أتهيّج بگلبك مصايب رابضه بيها مرضه الباري والهادي اتحظه=وألك آية مغفره امرجّعيها الليله علّك يالمحب دمعك حرزّ=ولا تخليه اعله أبو الكاظم يعزّ عن مسار الحجّه بالك تنفرز=بيده دمعات العزه امودّعيها