الــيـوم مــاتـت فـاطـمه         وضـجـت امـلاك الـسمه

فـاطـمه الـزهره يـشيعه         مــاتـت بـلـوعه وشـجـن
مــن عگب طــه يـويـلي         شـــافــت الام ومــحــن
وهـجموا اعـليها الاعـادي         واعـصـروها ام الـحـسن
ونــادت الـفضه ادركـيني         الگلـــب مــنـي انـطـحن
وصــرت انـعـى بـالـونين         سگطــوا مـنـي الـجـنين

مــن بـعـد مـا سگطـوها         گيــــدوا حــيــدر عــلـي
واطـلـعت خـلـفه تـنـادي         خـلـو بــن عـمـي الـولي
لــو عـلـيكم بـدعي ربـي         وانــا بـضـعه مــن الـنبي
حگي من اصرخ واطالب         وصـوتـي بـالـحگ يـعتلي
صـاحـت ابـدمـعٍ هـمـول         لـلـه اشـكـي ولـلـرسول

ردت الــــدار الـحـزيـنـه         وي عـلـي حـامي الـحمه
تـسـحب اذيـال الـمصيبه         والــضــلـوع امـهـشـمـه
حــيـدر اعـلـيـها يــنـادي         والــدمـع يــجـري دمـــه
والله ذوبـــنــي ونــيــنچ         فــاطــمــه يــافــاطـمـه
وضــلـعچ ادري مـنـكسر         وحــتـى خــدچ مـنـسطر

اصـبـحت فـاطـم عـلـيله         والــدمـع ســيـل ايـهـدر
يـاعـلـي نـــادت بـوصـي         ومــنـي اســمـع يـاذخـر
لــمــا تـدفـنـي يـاحـيـدر         بالله تــخــفـي الگبـــــر
مـــااريـــد ايـشـيـعـونـي         يــاعــلـي گوم الـــغــدر
هـــذي اوصـيـتـي عـلـي         وغـيـرك آنــه مــن إلــي

چنــي بـالـزهره الـزچيـه         ودعــــت كـــل الـعـيـال
وتـالـي مـابـين الـحـبايب         هـالأجـل يـاشـيعه حــال
هــزت الـكـون الـمصيبه         والـعـرش بـالفجعه مـال
وحـيـدره حـامي الـحميه         الـدمـع مــن خـده سـال
حـيـدره لـبـنت الـرسول         حــايــر و شــنــوه يگول

يـابـو صـالـح لــك نـعزي         والــدمــع مــنـا انـهـمـل
اونــــصـــرخ انـــــــادي         ياحجه بالعجل لِمّ الشمل
كـلـها شـيـعتكم تـراقـب         ومــالـهـا غــيـرك امـــل
تـنـسـى مــن عـصـروها         امـك وگيـدوا خير العمل
تـنـسى مـحسن والـضلع         لـــو صـدرهـا الـمـنصدع