يـحـسين دنـهـض لـلـحسن قـبل الـمنيه         غــالـوه بـالـسم يــا غـريـب الـغـاضريه
بـعضيدك اتـدارك تـرى يحسين مسموم         چنِّي اشوفه اعلى الفرِش ما يقدر يقوم
مـطروح واغـراب الـمنيه ابـراسه يحوم         يـــون امـثِـل الـمـطعون ونــات خـفـيه
فــزِّ الـشهيد احـسين واقـبل بـانكساره         مـحـنـيه اضـلـوعـه ودش ابـعـجـل داره
شـافـه يـلـوج وصـفـق يـمـناه ابـيساره         يـقـلـه يـخـويـه ضــاقـت الـدنـيـا عـلـيه
شـنهو السبب مخضر لونك يا ضيا العين         قـلـة أخـبْـرنك امـسـافر سـفـرة الـبـين
جــدِّي حـديثه صـح فـيَّه وفـيك يـحسين         وضـمَّـه لـعـند صــدره ودمـعـاته جـريـه
أمـري وامـرك من قبل يحسين معروف         قـبري برض طيبه وقبرك برض لطفوف
لكن مثل يومك يخويه احسين ما شوف         تـنـذبـح وتـحـطـم اضـلـوعـك لـعـوجـيه
قـرّب يـخويه هـالطشت بـقذف الجبدي         عـصّـب الـراسي يـالأخو والـزم الـزندي
الـزمني تـرى ما ظل جلد يحسين عندي         مــا هــي بـعـيده قـبـرتي والـتـفت لـيه
قــلـه يـخـويـه الـهـلـكثر هـالـسـم آذاك         سلَّيت روحي اقبال عيني تقذف أحشاك
قـلـه دأيِّــس مــن عـضيدك والله ويَّـاك         وظــل بـالـعرق يـرشـح جـبـينه لـلـمنيه