أهل البيت عليهم السلام «شيعتي» (يا صاح دونك تواريخ المچارم)(1) والكرم والجود = بالعصمه موجود العصمه لهل البيت من رب البريه غرس باري الكون =عود الكرم بإرياض المچارم وأثمر الجود برياض =الغانمه والثمر هاشم ومن ثمر هاشم محمد= وإجتنت منّه العوالم والجود من تتمثله= بس البني هاشم حله والجود يتحلّه إبهله يا صاح لو تنظر إبعين الحقيقه ولو إلك مقياس = وتقايس الناس تلگاها مثل الثره وهالبيت الثريه هاشم إبفيض المچارم =والشرف تاريخه يشهد ومن ثمر هاشم إبروض= الغانمات الطيب ورّد وعطرت عالم العلوي= وألأرض وردة محمد والطيب بالهادي إنجمع وثلثطعش منهل فرع من طيبه والعالم رتع والطيب جوهر محاسن عبقريه والطيب من طيب = يقتبس ويطيب وإختصّت إبهالبيت هاي المعنويه يالجفيت البيت ردله =لا تگول آمالي خابت ولا تگول إشلون أردله= وآنه عنّه إجدامي زلأّت مثل هذا البيت خيمه =وبعمد إحسان گامت لو تجفي دنياك وترد للبيت وتوَجْهِ القصد بألله أمن وإعتقد هالبيت للمعبد ومجرّب تچيه مو بس للإسلام = للخاص والعام صيوان هذا البيت خيمه عالميه إهنا يهل شفرات= دهرك گطعت سباح گلبك وتهت بفجوج المرامي= وعثّرت بلواك دربك إخذ مرآة الولايه= وبيها شاهد وجه ربك يكون إلك توفيق وتصل وتواصل إحبال الوصل بالبيت وأهله تتصل وإعتقد لو تچهب الكل الشرايع مالك إمن النار = للجنّه معبار إلا من أهل هالبيت تاخذ دعوتيه إهنا يهل مكسور =إرشد لا تظل حاير بأمرك وإتّصل بالبيت وأهله =ينجبر بألله كسرك لون مخّ إللي براسك =ماع من حر شمس دهرك ولو ضامرك رايه إنطوه يطلب لعد دائك دوه إنشغ من الجنّه الهوه للجنه يامن تود تنشغ هواها لا تتبع الغي = ألفي دونك الفي والكاسر إبهالبيت دوك إكسر إبفيّه إهنا يهل رايد إبعصرك= چهف يحميك ويلِّمك للذي ميعرف گصدك =لا تگصده وتشچي همّك ولا تمد يا صاح إيدك =لعد إيد الما تلزمك لا تچهب المَبْهُم حمه ولو ردت نعمه دايمه إخذ من أهلها الغانمه لو ردت تتمتع إبوافر النعمه إدعي اليلبّوك = بلا منّه ينطوك لشراف هذا البيت مد إيد العطيه يالمحب لو حزت= من هالبيت توفيق السعاده إذكر البلغاضريه= نامو إبحجر الشهاده وإذكر السجّاد وإذكر= علِّته وإذكر إگياده سهم الشماته يگطع إبدلاله وثگّل ونين المرض سبي إعياله والشام آه الشام مرمر حاله للشام من طبت إضعون اليساره وتگص الحبال = د بمتون الأطفال ولن سهل مجبل يجذب الونّه خفيه گصد للسجاد سلم= سهل ويحن الحنينه صدإله السجاد ناده =إمنين هالسلم علينه گله خادمكم وفاضت =مثل جرح الساگ عينه يا سهل شوف الجامعه ضهدتني وشوف الحبل من متن عمتي المتني يا سهل وإسهام اليسر صابتني يا سهل لا تنحب إبوجه اليتامه يا سهل والنوب = إعطف عَلَي ثوب أتوگه بيه الجامعه الجارت عليّه سهل صاح وجذب ونّه= وما گدر يخفي نحيبه سيدي بعيوني نزلت =ماي ألأسود هالمصيبه وما أوچد بعد دربي =من شفت زينب غريبه ألله يا زينب ويا غربتها وين الخدر وأهل الخدر وأخوتها وين الكفلها والحده إبناگتها يا سهل تنشدني عن حامي الضعينه ما تم إله شوف = ولا عنده إچفوف يا سهل خليته عله الشاطي رميه يا سهل گطعت گلبي =إبنشدتك عن الهواشم طبرتني إبفگد ألأكبر=وإطعنتني إبفگد جاسم وذكرني إبگلب أبويه= الما هرش ظل بيه سالم وسهم المثل صاب گلبي مصابه وبگصتي طاح الحجر وإصوابه وگبالي نحر الطفل والنشابه يا سهل وإعله الخيم من هجمت الخيل ما تدري إشصار = من شبّو النار ما ظل حمه البي تستچن الفاطميه