ديننا القويم «هجري» تأييد دين المسلم وإسلامه = بإيمان گلبه والگلب إيمانه إبحب الوصي تأييده فرض عالمسلم ( التوحيد ) إو تصديق الرسل إو يعتصم بفروع دينه وإبأصوله يتصل إيصدقه إبحب الولايه إو من علي ياخذ وصل التوحيد واحد من أصول الخمسه = وبلا ولايه اليعترف بالتوحيد ما ينقبل توحيده (والعدل) ثاني فريضه والعدل شان المجيد إعترافك بألله عادل ليس ظالم للعبيد وإعترافك بالعداله إبلا ولايه ما يفيد إبروضة يقينك (للنبوه) إغرزها = وهرش النبوه لو زهر بالتوريد حب الوصي توريده إو من أصول الخمسه رابع فرض والباري أفرضه عالخلگ وهو (ألإمامه ) إو مبتداها المرتضه طالع إبتاريخ دينك وإخذ مني الموعظه دينك يمسلم بألإمامه إتحدد = ثبت يقينك وإعترف بالتحديد حب الوصي تحديده إو من أصول الدين خامس فرض تصديق (المعاد) صدق إبيوم المعاد إو بالعمل جد بإجتهاد وألأعمال إبلا ولايه صفر عد رب العباد إو دينك إبتصديق المعاد إتمجد = وأسرار دينك تشهد إبهالتمجيد حب الوصي تمجيده إو (بالصلاه والصوم) إفلح (خمس ) إو أدي (الزكاة) وإخذ هالأربع فروع إمن ألأصول الواجبات إو نورهن حب الولايه إو بالولايه إمنورات إو هاي الفروع ألأربعه إبروضتها = طير الهدايه غرد إو بالتغريد حب الوصي تغريده إو من فروع العشره خامس فرع (حج بيت الحرام) و(الجهاد) الفي سبيل ألله سادس بالنظام إو هالفروع أحكام دين المصطفه سيد ألأنام (واليعمل إبهاي الفروع العشره = يحتاج من الباري قوة تسديد)(1) (حب الوصي تسديده)(2) إو من فروع العشره سابع فرض معنا تنتهي (ألأمر بالمعروف) والثامن (عن المنكر نهي) والفروع العشره كلها بالولايه تقتدي إو فرع الولايه التاسع من العشره = وإنفرض منهم عالموالي التقليد حب الوصي تقليده إو من فروع العشره عاشر فرع بي عين الصواب إمن الولايه إللي تبره إتبره منّه ولا تهاب إتبره من عدوان حيدر وإكسب إبحبه الثواب ومن الضلاله يالموالي إتبعد = ومن الضلاله إللي يريدالتبعيد حب الوصي تبعيده هاي أصول الدين خمسه إبهالمعاني أتنظمت ومن الخمسه فروع عشره للديانه إتولدت إو زهرت إبحب الولايه إوبيهن الناس إهتدت أخمسطعش معنه الكون بيها إتمهد = إو يهتدي الكون ويعترف بالتمهيد حب الوصي تمهيده هاي أصول الدين وإفروعه من المسلم تريد گلب بيه إيمان ثابت مثل الحسين الشهيد من توجه عله القبله إو أعرض الحز الوريد للقبله راشد نيته = وبحده وگفت صحبته ضحت مهجها المهجته أشرادت أنصار حسين دونه إتهاوت=عز الديانه إتريده ما بگه لحسين ناصر غير طفل إلبلمهد والطفل يابس دليله إو هرش دلاله إنمرد وأذبلت وردة حياته إمن الظمه لونه إنچبد لن زينب إبدمع اليهل = نادت يبن سيد الرسل هاك إخذ يحسين الطفل والطفل لو جف أللبن من ثديه=لهو الثدي شيفيده إشلون حاله الوگف بيها حسين وإعيونه تصد إيشوف كلسا بالمعاره منه يتلولح چبد يعتنيه ويشيل جسمه إو بي للمخيم يرد ضلعه أنحنه وظهره إنكسر = وإنگطع گلبه إعله النهر إيرد الحريم إمن الخطر وفّه الحريمه والگلب يتمرد=للمنصرع تمريده إتگابلت زينب وخوها والگلوب إتهيج نار إمن الظمه إو فيض المدامع من سواد العين صار والطفل من عينه دون الدمع يتجادح شرار صاحت وديعة فاطمه = مات اللرضيع إمن الظمه إو نار العطش بي مضرمه وحسين مد إيده إو تناول طفله=والطفل لاوي جيده