غزوة الخندق «هجري» چتال مرحب بالحرب لو ردت برهانه=عمرو بن ود العامري ايخبرك ابعنوانه يالثبت عندك الإيمان= علي زوج البتول الساع أبين لك الغزوه= إصغي وسمعني اشأقول بث ابوسفيان دعوة= باطلة ضد الرسول إوگوم الضلاله اتحزبت = الحرب الرسول اتأهبت وابذمهم الآية نصت = لابارك الله ابدعوته او لا نجح داعيها واللي يحيي دعوته غاويه شيطانه والكتايب عالمدينه= من غدت متكاثره اتحاصرت واعيون= أهلها من الفزع متطايره او كل فرد تذكر الآيه= بلغ گلبه الحنجره او راعت الشوس امن الحرب= تاهت او لتوچد الدرب يخذف غده منها الگلب = او راعي العقيده الثابته الما يفزع او يجزع حيدر ثبت جدمه مثل ما ثبت إيمانه العامري طفح= المهلوب اوللخندق عبر راغت الشجعان عنه= او گلطت سيد البشر يرتجز عمرو او يجول =او ظنه بالهادي ظفر مغرور عمرو العامري = بالحرب ما ضايگ شري او لا نحر ساعد حيدري = يفتخر فارس يليل او يرتجز حق بيده چى بعده ما شايف (علي) واصراح ميدانه والنبي ناده منو العمرو =او عله الباري جزاه مانهض من غير =حامي الدين گال آنه كفاه حتى ناداها ابثلاثه =او بس ( علي ) حيا نداه گال آنه أحل الموزمه = وابچفه جرد صارمه واشفاره تتگاطر دمه = او باجي الزلم لاتشعر او لا تنطگ او تسمع بس حيدر الذل يَليَل او سطوات فرسانه والنبي ناده يحيدر= اخذ من هذا الحذر هذا ( عمرو بن ود ) =إلفارس او حربه خطر گله وآنه (علي الكرار)= وابن سيد مضر وآنه المأيد بالورع = إو لا أفزع ابيوم الفزع وابصارمي الموت انطبع = وآنه الذي بالكون غالب لعد كل غالب وآنه الشهاب اليحرج المارد ابنيرانه العامري من شافه =ناده منهو للحرمه انتدب ناده ابن سيد الأبطاح= او صهر المنتخب صاح بخ بخ =يكفيك يحيدر هالنسب والشرف بيكم ينتهي = الكون ابمجدكم يكتفي لاچن أخبرك ياعلي = من والدك روح الموده ابگلبي محروزه أرعاك چى لن والدك طوگني بحسانه ابن عمك ما رعاك= او ليه دزك تنچتل ابهذا رمحي لو خطفتك= لنته ميت اولا عدل جاوبه كف هالمحاچي= انچانك گول اوفعل اوثلث معاني راشده = أبديلك ابلفظ الهده واختار منهن واحده = اوبيناتنه فصل الخطاب الصارم الماضي والجهل مالك بي نجاح او گصر السانه للإسلام اخفض اجناحك =گله ابدي ثاني راي گله إخد جيشك او سدر= صاح أتعير ابهاي انت فارس وآنه راجل= حوِّل اتصارع اوياي شوف العزم شوف الهمم = شوف الحتم شوف النقم شوف الحسم يوم الصدم = من الغرور البيه حول واخذ تدباره من الغمد جرد السيف او عگر احصانه اتشابچوا واتضغبر= الكون او صار إلهم رعيد وگفت الصوبين= تتفرج او للغايه تريد ساعه لن اتشوف= ( ابو الحسنين ) مجبل من بعيد واكليل سعده امكلله = ياهله ابحيدر ياهله يتبختر ايدّك للفله = وابإيده راس العامري وابإيد بتاره يحمد الباري ايرتل ابآيات قرآنه يا ولد عم ابن عمه= مثل صاحب ( هل أتى ) لو گلت مسلم= للحسين فداله ابرگبته گابل الكوفه واهلها =اغدرت بيه او خانته وجّو نار والمسلم ايحرگونه بالنشاب من كل كتر يرمونه وابكل هاي ماحالوا ايكتلونه وابدربه حفروا بير بيها = اتگنظر او حالت عليه عدوانه من سگط بالبير حال= العسكر اعليه او ولاه بچت عينه اولبو اليمه= حسين ابن عمه بچاه اضربه الأشعث عالمحاسن =طبره والثغره براه مثل حسين شيبه ابدماه اتخضب ابفيض ادماه إمعفر او خده امترب ميچتفون شفنه اليطيح امصوب مسلم اجروحه اتفايضت= واتراگد حيله او ضعف سلطانه من دخل گصر الإماره= والعطش ذوب احشاه راد شربة ماي مسلم =يطفي گلبه من ضماه إسگطت بالكاس الثنايه= يحرم الماي ابدماه مسلم ريت عين الحسين اتشوفه لبن ازياد من ودته اهل الكوفه اشلون ابنود بمتونه المچتوفه لايالعلي ما حضر ذاك =المحضر مسلم المسلم عانه فوگ عالي الگصر= صعدوه او جلاده معاه ناده دمهلني يجلاد= ركعتين الصلاه ما تمهل ضرب راسه =ابسيف لاچن من گفاه طاح الراس ساجد لعد معبوده او بالتربان ترب يويلي اخدوده وابن ازياد منه حصل مقصوده اومن عالگصر للدرب= گطفوا جسمه واتعفر ابتربانه ماهظمني چتل مسلم =مثل هظمة غربته صدگ هاني انچتل =وياه اوسحبوا جثته طلعت الهاني عشيره =خذت جسمه او دفنته مسلم وين راحت عمامه او قومه وين اشبول هاشم اليوث الحومه مسلم چيف جسمه تعفره ادمومه ابديرة غرب واجناب =غسلت اولفت اعليه اچفانه اوظلت المسلم يتيمه =امودعه عند الحسين اومن دره ابچتله =حضنها او هاج گلبه بالحنين واليتيمه ابچتل ابوها= حست او فاضت العين ناده حسين عمچ عدل لا تبچين كوني ابريف وامدلله او لتهمين عگبي انچان وابكربلا تتيتمين وحسين صاح امن الفواطم= زينب او هاجت اعليه احزانه سلم الطفله بديها =والمدامع هامله يختي هاي أول يتيمه =من يتامه كربله او هاي بت أول شهيد =او وصي بيها العايله او عگب حسين ظلت يتيمة اسكينه ريت حسين حي او تشاهد عينه ايشوف اعداه حجب النسه امسلبينه او سبي العيال ايشاهده ابأي =حاله راح النغل مرجانه