فدوه ألك يحسين=وقعنه هاي الروح نفديهه وكل دمعه بالعين=بس الك يامذبوح نجريهه اتنادي الملايين .. لبيك يحسين .. الوحيد أنته الربك ميزك بوصاف مثل نور الكمر من البعد تنشاف ملايين التحبك مانكول ألالاف يدمعة هل أتى وياشهكة الأعراف ياليتنا أوياك=ولعيونك الأعمار نهديهه وتشوفنه أهناك=وأم الخدر زينب نواسيهه أتنادي الملايين .. لبيك يحسين .. ألملك انته وسلطانك فلا مثله وصارت كبتك لهل الوفه قبله سليمان النبي عن عرشه يتخله لون شاهد عرشك سيدي وظله ياعرش بلقيس=كربله ابدمك انته بانيهه شنقارن أنقيس=الجنه انته وسر معانيهه أتنادي الملايين .. لبيك يحسين .. ولون مسنه الظلم ميمس كرامتنه تعلمنه تظل مرفوعه هامتنه ابمدرستك لأن كملت دراستنه ونتفاخرمن الطف تخرجنه ونكطع الجفين=والكاع الك يحسين نطويهه ومانوفي الدين=بحقك قليله الروح نفنيهه أتنادي الملايين .. لبيك يحسين .. كلهه أتريد نسيم أترابك أشمه حتى البمهد يصرخ يبواليمه نساء أطفال تمشي دربك ابهمه مُناهه صار بس شباجك أتلزمه تتزاحم اعليك=ومن توصلك يشتد بواجيهه وتصيح لبيك=وتريدك بس تنظر اعليهه اتنادي الملايين .. لبيك يحسين .. لأن أنته النجاة وللهدى مصباح ومقفوله الجنان وعندك المفتاح هامت بيك يابواليمه هالأرواح ولوهمهه المشي بس تذكرك ترتاح كربله جنه= يشوف الأمان اليلتجي ليهه وحنه عرفنه=ابدم ركبتك للشيعه شاريهه أتنادي الملايين .. لبيك يحسين .. وغيرك لا يامظلوم حبينه وحدك بالكلب ساكن يوالينه يمن أسمك يهيجنه ويبجينه وهله بيكم يأنصاري تنادينه نسمع ندائك=وانصارك لمن تناديهه تهتف فدائك=وغيرك ماعدهه يواليهه أتنادي الملايين .. لبيك يحسين .. جبار البطاط