أبو الفضل العباس (ع) 1 أيرف لوه العباس ماطاح و وگع=وگبل ميشاهد الموت ومصرعه ركزه أعله النهر وأگبال الجيوش=وسنده بچفينه فوك المشرعه 2 من غرف عباس من ماي الفرات=راد يشرب شاف صوره أتكلمه خجل ذب الماي وأنصاب بذهول=أمنين أجت بالماي صورة فاطمه 3 أذا جبنه علم وياه جبنه الجود=وأذا جبنه درع وفترض نلگه الطاس شيفيدن وصاحبهن فلا موجود=وشينفعن أذا هنه بلا عباس 4 ابو فاضل ليش ضحه بالچفوف=وليش قدمهن لبن حامي الحمه حتى يرفع بيها راس أم البنين=وشامخه باچر أتواجه فاطمه حي هله بعباس يا عز الرجال=يا أبن حيدر علي حامي الحمه الفرق أجموع الكفر يوم النزال=وبعد سيفه من العده يقطر دمه هوه في طف كربله سوه فعال=من توكل گام جرد صارمه من وگف عباس ما خله مجال=أجه بكل ثقله ولاخاف ورمه شوف من جيش الكفر جمع تلال=وچان أكبر جيش صح بس هدمه وكف دون حسين شامخ كالجبال=ناصر وماگال شيريد ولمه حامه عن دينه وستر كل العيال=وهوه ماعاقه أبد حر الظمه بي سجايه الماتعد وبي خصال=مايخجلك لون ردت أتكلمه أطلب شما ردت من عنده تعال=وحلفه تدري أبيش حلفه بفاطمه