طاح العضيد المصطفى وينك يحيدر ياعلي وينك يحيدر والحزن=عالمصطفى أذانه انظر بهاي الفاجعه=كل شيعتك حزنانه تندب رسول الله وتحن=ولشوفته ولهانه ما تبرد النار وتظل=تغلي بگلبنه وتسطلي وينك يحيدر لو تجي=وتشوف حال احبابه عالمصطفى تنوح=وتون وتصب دمع بغيابه نار الحزن وسط الگلب=تلهب عليه بمصابه واتنادي بهموم وحزن=طايح محمد يالولي نار الصبر ما تنحمل=ياهو الذي ايطفيها عالمصطفى دموع=الحزن طول العمر نجريها للعتره هالروح بشرف=ياسيدي امضحيها واجب فرض هذا الامر=هذا الامر واضح جلي ياحيدر بهل فاجعه=شيصبرك بمختارك تسعر تظل وسط الگلب=شيطفي حيدر نارك رب العرش للمصطفى=أخ وسند مختارك وبكل شرف انته اصبحت=للمصطفى حيدر وصي