يالنورك محمد نور رباني=بكل هاي الخليقه ما إلك ثاني بكل هاي الخليقه ما الك منظور=من نور الجلاله انبعث هذا النور يالاسمك محمد والاسم دستور=صار بكل شرف للقاصي والداني صار بكل شرف اسمك يشع انوار=امين وصادق انته واصبحت مختار يا كنز العلم وشحاوي من أسرار=عنك شرد اسولف يعجز الساني عنك شرد اسولف وانته ابو الفقره=يا سر الوجود و منهج العتره محد مثل صبرك سيدي اشكبره=يالصبرك صبر مذهول خلاني يالصبرك نبوه والامامه السور=والاسلام بحماهن صبح ويدور بالله تظل مؤيد سيدي ومنصور=رغم جرح الچبير العشته وتعاني رساله الدين چان برگبتك ذمه=وأديت الرساله بصبرك وحلمه شلون الناس گدرت شخصك أتسمه=جازوك بحقد ياسيدي شجاني مسموم ارحلت والدين ظل ينعاك=رادوا تنسي لاچن بقه ذكراك يشع نور العرش لمن يمر طرواك=واحزانك تهيج نار احزاني