يالجواد الدنيه وحشه وغاب نورك يالولي=ماتجي اتشوفك جنازه وترفعك شيعة علي ابدار غربه ويل قلبي شبحت اعيونه الشباب=فوق چبده واضع ايده والقلب بالسم ذاب سمته ذيك المشومه وسدت ابوجهه الباب=ضاقت الدنيه ويقاسي غربته اببلدة اجناب بالعطش ظل يجذب الونات وادموعه تسيح=چان ايبرد نار چبده بلكت اشوي يستريح ودار عينه للمدينه وظل على اولينه يصيح=يبني ماتحضر لبوك اتشوف لفاده الجريح ومن ارض طيبه وصل له اوليده وعاين ابوه=شافه فوق السطح يتقلب وكبده قطعوه صاح يابويه اتوعى جاك هاللي يتموه=قوم نرجع للي شخصك بالمدينه يرقبوه حانت امنيتي يقله وشوف ضعفت ونتي=وانزفت دم ابجوفي وشوف حالة جثتي وكتبه يم جدي الكاظم يا حبيبي حفرتي=وقبته تنشر ضياها ويمها تصبح قبتي ومن ترد أرض المدينه روح عد قبر الرسول=وسلم اعليه بالنيابه واعتني لمي البتول صيح ولدك يا حزينه مات وافاده معلول=ظل ثلت ايام مرمي والجسد منه منحول صاح انا ماجيت وحدي يا ضيا عيني الجواد=امي الزهرى اوصلت وياي وابذوب لفاد فتح اعيونك وعاينهم ترى جت لمجاد=وهذي الزهرى تدني من تحت راسك اوساد