كلهم أولادي ياخلگ كلهم أولادي=والما تهنى بالعمر والد الهادي گبري جعلته ماتمي وبيه العزية=أبچي على الأولاد كل صبح ومسية وأعظم علية إلي إنذبح بالغاضرية=صدر إللي ربيته إنكسر تحت الأعادي أولاد يمي أربعة مهدومة لگبور=من فعل أولاد الخنا بالظلم والجور مايوم شفت إمن العمر راحة ولاسرور=حتى أبوهم بالحقد صابه المرادي وإثنين عندي بالغصب راحو إلبغداد=موسى الكاظم بالسجن ميت بالأگياد وأم الفضل ماگصرت إبثامن الأولاد=خلت شرابي إمن الحزن والألم زادي وامه الرضا المؤمون ما قصر بحاله=عن وطن جده باعده وجملة عياله ما ارتاح حتى بالغدر غيب هلاله=ما خاف ربه وما ذكر يوم المعادي من أذكر سامرا الحزن ينسيني لظلوع=أنظر گببهم طايحة وتسيل لدموع حتى المنارة إتهدمت يمتى هالطلوع=تاخذ إبثارك للوصي وجدك الهادي سلمت أمري للذي يجبر مصابي=وبلسم جروحي أصبحت دمعت أحبابي هونت كل عصرة وألم وطيحتي إببابي=والمحب ليه منزلة صاير إفادي