مصائب يوم الحادي عشر آه ويلا ياكربلا إبيوم إحدعش شال الضعن=للكوفه مارد للوطن شفت النياگ إعلي تحن=تبچي بألم ومهزله إشلون أفارگ أخوتي=إمن الصغر هم سلوتي والظلمه زادت وحشتي=يتعذ ب اليفگد هله شلون أستوي إبمحملي=ولا أخو يمي ولا ولي وآنه العزيزه بت علي=بوسط العشيره مدلله شفت الشماته من زجر=وبعد الذبح صار الشمر يهجم علي وسط الخدر=فرت خواتي معوله إبنك علي إبگيد ثگيل=ودرب المحن كلش طويل يم النهر طاح الكفيل=العلگمي شلون أوصله لو أذكر إلكم هالأمر=يصدع گلبكم ينفطر مذبوح طفله إعله الصدر=گطع وريده حرمله خاب اللي ليكم يعترض=كربلا صارت كل أرض وزيارتك عين الفرض=هالشرف منهو اليحصله ياشيعتي جل المصاب=ذكروني ابفقد الشباب ضامي گضيت بلا شراب=والمحب عينه هامله