عباس راعي المرجله وحامي الظعينه=فت العطش چبد الطفل ومهجة سكينه
جت الرباب ام الطفل يم العقيله=وتصيح يازينب بعد مگدر أشيله
محد مثيله في العطش محد مثيله=مگدر يزينب هالطفل أسمع ونينه
إتقبلين يابنت الوصي تهلك حرمكم=بالرحمه الله خصكم والزهره أمكم
ويموت عندي هالطفل ترضى شيمكم=دالع السانه من العطش وشابح بعينه
شالت الحوره الطفل وللأخو طبت=وصبت عليه من العتب واللوم صبت
ابحق الأخوه يا گمر وحگ اللي ربت=للطفل گطرة ماي وللأم الحزينه
صاح بغضب يابنت علي سري وبشري=يختي لروح المشرعه وجودي على ظهري
والگوم تدري بحيدره وبشبله تدري=لحصد جماجم وافني هالزمره اللعينه
هيهات يدخل بنت علي إبگلبج الخوف=تدرين بي يوم الوغى فني بهالسيوف
بس طلبي الله يالإخت تسلم هالچفوف=وبيدي لرجع محملچ أرض المدينه
طب للأخو وهو مبتسم يطلب الرخصه=ونادى يبن مَن مولده بالكعبه خصه
أستأذنك يبن الطهر وبگلبي غصه=نروي الطفل إمن العطش واجب علينا
گله يخويه ام الولد ويه ولدهَا=محد إليهم بالخيم وانت سندها
يم الشريعه لو طحت شيظل عندها=يحمي حمانا ويمنع اليزحف الينا
طب للحريبه وحاطته الفرسان والخيل=همه الشريعه ومبتسم وبسيفه الويل
ثار العجاج ومال الزمان الظلمة الليل=لكن يوسفه السهم صابه بعينه
تحير أبو الشيمه وضل بنفسه يجود=وهمه يحافظ عالعلم والماي بالجود
والدرب بينه وبين اخوه حسين مسدود=لن العمد بالراس شگ غرة جبينه
جاه الشهيد ومدمعه بالخد يجري=شافه إچفوفه امگطعه والراس مفري
اعداي شمتت من بعد منكسر ظهري=ابعث سلامي للنبي وحيدر أبونا
عــــدد الأبـيـات
21
عدد المشاهدات
2992
تاريخ الإضافة
04/03/2010
وقـــت الإضــافــة
4:46 صباحاً