عباس انت كافلنا جبل لو حمل حملي چان ينهار=ضوا صبحك عسى ما طلع ينهار يغور الماي منچ ليت ينهار=ولا نفگد عضيد ابن الزچية عباس انت كافلنا=خل نهلك عطش كلنا مانسلك بليا إرجال=عيلتكم حرم وأطفال لو غاب البدر تهنا=عباس إنت كافلنا حيدر من عقد بامك=چان مصيب بالنظرة كسب لبوة عرين اسود=ما هابوا أحد شره نقيت جيب بنت اشراف=وبسوح الحرب ظفره عودك أحسن التذبير=عالم فوض القدره طلب فارس يعز الدين=في الحگ ينصر العتره أمك يا شديد الباس=خيره ويذكر عطره گالت ياعلي أرجالك=إسمي يكون لا تذكره أخافن ع الحسن وحسين=يبچن فاطم الزهره ومر من الزمان اشهور=سمع حيدر أعز بشره ومن ذاك الزمن لساع=ترعى حسين بالفطره أنت واخوتك ابطال=واحدكم يهز جبال بس حيدر رجاك إلنا عباس انت كافلنا حجر أمك يا بو فاضل=وهب فرسان لجل الدين اخوتك جعفر وعثمان=وعون الزاكي وانت اثنين أماجيد أربعه الحره=فدت بيهم مقام حسين يعباس أول أيامك=من شالك أبو الحسنين حضنك المرتضى الصدره=دمع ظلت تهل العين وامك تسأل بدهشة=عسى ما بيه نقص لو شين صاح إلها الطفل دره=ولك رد يلثم الچفين يبشرها بمواقف يوم=يرجع فيه بطل صفين يوم إلي يصيح الجيش=حضركم چاتل العمرين عزيزچ واخوته بالطف=عليهم وعد يوفوا الدين يرد بصارمه العدوان=يدور مخيم النسوان هذا الوالي يخبرنا عباس إنت كافلنا يبو فاضل تركنا الدور=جينا الكربلا بحماك نذكر فيك شهر الله=من صاب الرجس مولاك من دون الأهل حيدر=وضع كف زينب بيمناك ابديك الساعة يا مشكر=بخدور الحريم أوصاك كفو ونعمين يا الوافي=تسارع غوث من ينخاك شهاده حسين يشهد لك=تشمت بي العدا لو لاك من بين البشر يا ليث=ما يحصل أخو ساواك تقر عيون كل حره=بس تنظر رفيف الواك وإذا كان العزم للموت=إخذ آل النبي وياك رد هذا الظعن طيبه=إلى محمد أخوك هناك بعدك من يرد الخيل=لو خايف يصيح ادخيل ما حد غيرك إطلبنا عباس انت كافلنا