كريم على الرمح يزهر على راس الرمح راسه يشيعه=وجسمه بالترب ماحد يشيعه كتب دمه عهد للحق يشيعه=على صفحات أرض الغاضرية كريم على الرمح يزهر=يسايل جسمه لمطهر لو زينب تريد حسين=إلي لو إلك تنظر من حز الشمر نحرك=عزلني والجمع كبر رفعني بالرمح بيده=وماج الكون وتغير أراضي كربلا إحمرّت=وهب ريح العذاب أصغر يراسي بيك چم صواب=تفاصيلي أشدْ وأخطر دامي بالشمس مسلوب=زواري وحوش البر ميدان أصبحت للخيل=صدري وظهري اتكسر يا جسم إلهشم بالخيل=آنا مگاسي ألم أكثر أبد ما فارگت زينب=أو وياها بالشمس والحر ياريت الظعن من شال =للكوفة المسير أوعر دخلت اويا الحرم مجلس=شماته الگلب يتفطر طلع بينا زجر للشام=وفيها الگينا كل الشر رقية والطشت وحبال=أجانب والذعي اتجبر خرابه وگيد وبغربه=مصايب صعبه تتصور تنسي الكوفة أرض الشام=ضيم إعلى البشر ما مر أخبرك من يسألوها=اخوچ حسين تتزفر تگول ابكربله عفته=عاري على الثرى مطبر ونوب تصيح هذا حسين=ابن امي وبيه أفخر من حگ كل أوصاله تگول=أنا حسين لمشكر