يا أرض لطفوف يا أرض لطفوف=وش لچ علينه بس حرم وأطفال=عنچ مشينه فوگ الهوازل لليسر ومسلبينه ، يا أرض لطفوف يا طفوف الغاضرية=من نزل بيچ الشفيه دارت علينا الأعادي=واظلم الوادي عليه واسمعت بالخيم صايح=حامت طيور المنيه عدوان حاطت خيمتي=وافگدت خدري وهيبتي واجرعت هم مصيبتي=بالبدور الهاشمية كلما طلع نور=بالمعركة غاب والگلب تنور=من فگد لحباب يا ليت من أرض الوطن ما چان اجينه، يا أرض لطفوف ياطفوف الغاضرية=بيچ گاسينا بلايا لاستر لا ضلال عندنا=بالشمس كلنا ضمايا چنه ثار اتخلصينه=من هلي كلهم ضمايا شبان نامت ع الثرى=بالشمس ظلت والعرى حتى الطفل نحره انغوى=بالسهم من جور اميه بالخيم نيران=شبوا العدوان مو سهل تفصيل=حالة النسوان ما مر على بالي الطفل ماترحمينه، يا أرض لطفوف ياطفوف الغاضريه=صار حكمچ علي گاسي ع الشريعة تتركينه=شبل حيدر تاج راسي طلعت المختار لكبر=بعدي بجرحه اگاسي والجاسم اشموعه انطفت=وعيوني من نوحي عمت بالخيمة طفله ما غفت ما ظلت ارجال=لجل الحرايب للباري تشكيچ=أم المصايب طايح عمود مخيمي واحنا اشبدينه يا أرض لطفوف يا طفوف الغاضرية=ضيف عندچ ما يكرم صابته سهام وهنادي=وندبح عاشر محرم بدل ما يندفن جسمه=داسته الخيل وتحطم الجبهة مشجوجة بحجر=والگلب بالسهم انشطر خبرني عن حاله المهر=شعب گلب الفاطمية ع الغبره مطروح=زايد ونينه ويعالج الروح=ما ترحمينه تروين من دم السبط وتعطشينه،، يا أرض لطفوف يا طفوف الغاظرية=شفتي بيچ الصار بينه خالي مهر حسين من رد=حرگوا اخيمنا علينه سلبوا كل الحراير=والعليل امگيدينه من غاب عنوان الكرم=چم اذن من طفله انخرم والنوگ دنوا للحرم=حنت الحالي المطية مروا بِ لجساد=والگلب يسعر وابن امي شفناه=صدره امكسر والراس من فوگ الرمح ع الحرم عينه ،، يا أرض لطفوف