أم الرضيع آنه أم الرضيع الضاع مني حگي لو متت من طول وني سهمك صاب لعيون=فت گلبي وعماني يا گمر ما اتشوف عيني=بعد سهم الي طفاها يا نمير الگلب امك=سهم نحرك شف حشاها اتمرمرت روحي على فگدك=والچبد يلهب لضاها هذا السهم من حرمله=يا هو الذي يتحمله دم الرضيع السايله=لسما الكافل رماها جابه ومدده جانب أولاده وظل يمهم على جاري العاده يبچي ويطلب العون=فت گلبي وعماني سكنه من جابك الوالي=صدت وشافتك هادي حسبت رويت چبدك=نايم وگامت تنادي ماي أبوي الفضل عندك=تدري گلبي بنار صادي نشَّف ادموعه الهامله=وضم العزيزه الفاضله عبدالله جيبي اوساد اله=خيچ اتوسد ثراها سهم النايبه صوب دليلي خلوا النوح لا يسمع عليلي بسمه لا تنشدون=فت گلبي وعماني للمهد من تصد عيني=يسرح ابعالم خيالي أرجع الأيام حملك=چم سهرت من الليالي أملت فيك الأماني=گلبي من الوجل خالي چنت برباك امأمله=والغالي لجلك أبذله لو مال حملي أتعدله=وتوفي لمك عن رباها هذي امناي عبدالله برباتك يعگلي النجم ماخذ من صفاتك مثلك من يونون=فت گلبي وعماني يبني سلوة گلب عندي=أشم ريح الورد فيك تمر ساعه ابأثر ساعه=وأحسب ابأيام سنك لو يهب الريح يمك=رمش عيني يرده عنك چنت أهز مهدك آمله=وما مر خيالي ابكربله وأشفار نبلة حرمله=ابنحرك وحرة لضاها خل النوم واشرب من حليبي يلي انگطع من وصلك نصيبي لنكم ما تعودون=فت گلبي وعماني يا دهر وش چان فيني=اسهامك ابگلبي رماها سلوتي وصيوان خدري=حسين متوسد ثراها والطفل عيني البصيره=حرمله بسهمه عماها شوفوا الدهر بيي اشعمل=وحسين ابن خير العمل گبل الطفل چان الأمل=كربله اتكفن ذراها لظل بالشمس أبچي على اجروحي على هالحال حتى اتروح روحي فگدك يا ضيا الكون=فت گلبي وعماني