خدمتك يحسين عنوان الشرف = وليخدمك حتماً الله مشَرِّفه وخدمتك عندي فرض مثل الصلاه = يعني موش احساب بنك العاطقه خادمك واتشرف وأقسم يمين = لو ما إنته الدين محَّد يعرفه شرفتني بخدمتك يبن البتول = ومنبرك يحسين جنه وارفه ماكتبت آنه الشعر إلا بدماك = يعني ما أخلص كتابه بهالصفه ورفعت شان ليخدمك ياحسين = لأن شانك فوﮒ حد المعرفه إنته يالمامثلك بكل الزمان = ويازمان يجيب وصفك يوصفه خادمك يحسين وهالليله اصيح = خدمتك تاج عله راسي بكل وفه لو يقلولي شجنيت من الحسين = قِلت خادم منبره وهذا كفه قلت من عنده أخذت المكرمات = هذا واقع صادق وعن معرفه قلت شرفني الحسين بهالوجود = بخدمته راية وجودي مرفرفه وصِرِتْ اغنى الناس من جاه الحسين = هاك إقرا شقال جده المصطفه حسين مني وآنه من إبني الحسين = روحي وروحه بقدس متوالفه زيارته سبعين حجه معادلات = وتربة احسين انكتب بيها الشفه جاذب لظن الغنى مال وقصور = أو حياة ابكل صورها مُترفه الغنى عد منبر حسين العظيم = إخدمه ومن منبره الخير اغرفه دام إلي حيز وجود بهالوجود = عقلي كون ابكل أمانه أنصفه آنه لو ما أخدم المنبر أموت = وذكري لو ماخدمة حسين انطفه هذا إسمي خادم حسين الشهيد = وخادم لخدامه يامحله الصفه