الإمام الحسن المجتبى (عليه السلام) ناعي بالسمه أصبح ينادي=بمصاب الحسن مهجة الهادي حزنان حزنان بمصابه الملك والدين حزنان الأمين اليوم أصبح=بالسمه ناشر أخباره وكل فلك لجل أبو محمد=منصدع مختل مداره العلم وأهل العلم كلها=ضلّت إبفگده حياره متعطله أحكام الشرع بيها تحيّر كل ورع نبراسها چان اليشع=ضاوية العالم أنواره مأتم والأملاك العاقديها=وتعزّي الأمين ويعزّيها سكان سكان والسبعه إحزنت وأحزن السكان اليوم مصيوبه الأرامل=واليتامى إبسهم فگده الچان يفگدها إبحنانه=ويسد حاجتها إبمودّه الليل لو جلجل عليها=وأيّست هذي الشدّه لو شافت إتعدّه الوكت تبگه مدامعها تكت عالصارله عاده وسمت=واليتاماها إيتفدّه ويواصل الفقره والمعوزين=بالسر والخفه إيگر منهم العين ماچان ماچان حاجتهم يسدها وين ماچان چان ديوان أبو محمد=لا تظن يحصل مثيله وتگصد الوفاد بحره=الفيّض العالم مسيله بالسنه مرّه تگصده=كلمن إيحصّل مجيله واليوم إجتي وشافته بالطشت يجدف جبدته وإعليه دمعها سالته=من ضمايرها تسيله ويمّه جاعد حسين أبو اليمه=يگله يالحسن خويه ويشمّه لاچان لاچان يوم البيه طحت ورعاك لاچان والحسن عالبعد زينب=شافها إبصدّه عيونه نادى أخوته إجت=زينب والطشت لا تخلونه خاف لو شافت وجهها=يخوتي ينخطف لونه هذي عزيزة فاطمة عالضيم مو متعلمه متربيه بأفخار وحمه=والدمع لا تهملونه خاف الدمعه من زينب تصبها=حنينه ومن تحس تمرد گلبها مليان مليان من رقه وحنان وعطف مليان من گضه إبحتفه المشكّر=صابته سهام المنيه صارت إعلى النعش لمّه=إعليه بچت كل فاطميه حضرت إبداره الهواشم=شالته أرباب الحميه غسله ومراسيمه گضت النعشه الهواشم شيّعت والكبر جده بيه لفت=رادوا إسباع الوطيه يدفنون الحسن يم گبر جده=ويگلوله گضه بسموم (جعده) ما هان ما هان ندري إعليك هذا الأمر ما هان جيشت حزب الضلاله=جيوشها وعالنعش هجمت ما رضت يم گبر جده=يندفن وجيوش جرّت وعالنعش بسهام كثره=إتگول زخ المطر زخّت شمسوي يا ناس الحسن يتعرض الكثرة محن شيصير لو جسمه إندفن=أحزاب للشيطان منعت من جدّه إنمنع مهجة الزهره=وجدّه فاك باعه وهو إبكبره لهفان لهفان جده الشوفته يا ناس لهفان راد أبو فاضل يجرد=مرفه البيه المنيه يرتعد والعزم شاله=وشرعبت بيه الحميه حسين نادى يبن=عودي يا چفيل الهاشميه اليوم مويومك تره خويه يسبع الكنطره يا ذخر أبونه حيدره=يوم إلك بالغاضريه وراسك ينفضخ فوگ الشريعه=يبو فاضل وجفينك كطيعه عطشان عطشان وآنه بكربله أنذبح عشطان