الإمام علي (عليه السلام) خصك ربك إبسرّ الولاية=وحبّك يا علي مفروض آيه علاّم علاّم=بأحوال السمه والأرض علاّم يا علي إسمك ورسمك=من لطف راعي الجلاله يا علي ولطفك وعطفك=صوّره من لطف حاله يا علي إبعلمك وحلمك=جسّدت روح العداله يا واحد الغيرك عرف ذاته ومعانيها وصف ثاني الذي بيه اعترف=وأنت صدّقت الرساله محمد أول إبمعرفة ذاته=وإنت يا علي ثاني إبصفاته ملزام ملزام=للثالث بعد ما يصح ملزام إنت ميزان العداله=وبحر چفك من يوصفه صبرك وگدرك وطبرك=النبي والله يعرفه يا علينه يا ولينه و=إسمك الباري إمشرفه ما غيرك البيه نعترف اول كمل بيك الوصف والثاني وياه نختلف=ما نقر بيه ونعرفه إنت نصّبك ربك خليفه=عالملّه وبعد ضم لك وظيفه حكّام حكّام إلناره وجنّته وظفك حكّام يا أملنا إبكل محنّه=ومن يفل غيرك المحنه بيك نفخر يالمشكّر=إحنه چا لولاك رحنه وإنتعدّه وإنتحدّه عال=خصم وبوجهه صحنه ريّب وقصّر بالحچي يدري أعلى همتك نرتجي حصته بگت بس إلبچي=يا علي وإحنه فرحنه إشحدك يالخصم تگرب علينه=نحچي إبزود قائدنا علينه هدّام هدّام=سيفه للظلم والجور هدّأم يلمچنّه فرد عنّه=لا تصد يفشل تعبنه وإحتزمنه والتزمنه=بيك وإعليك إنحسبنه وإنتهنذه إبهوه الجنّه=إبعالم الذر إنكتبنه بيك الگلوب إمولعه وبنوار نورك ساطعه يا رحمة الله الواسعه=بالگلب حبّك طبعنه ومن فاضل الطينه الله خلقنه=وعنك لا تظن ساعه إفترگنه تنضام تنضام=گوم الوالتك هيهات تنضام ومن فعلها ومن شعلها=النار ما نخشى زجرها حيث ندري إبحكم فكري=بيدك إمسلّم أمرها إبفزع الأكبر من الكوثر=شيعتك تطفي جمرها درب الصراط إليه تمر محشومه مجلولة قدر كلمن يجعدونه إبقصر=إن شا الله وهذا اليسرها وحور العين تخدمها إمبحلها=تشوف أوصلت غايتها وأملها خدّام خدّام=والولدان إلها إتصير خدّام هذا فضلك هذا فعلك=يالمجندل ذاك مرحب وبحملتك وبطبرتك=لبن ود ياشهم أعجب والعجيبه والغريبه=شلون ابن ملجم الصوّب راسك يراس الغانمه وتخضّب إبفيض الدمه يا لبيك تگضي الموزمه=وسمّه إبجسمك تشرّب وإنت يا علي يا بطل صفين=يتّمت الحسن وحسين والدين أيتام أيتام=ظلوا من عگب عيناك أيتام دمعه يذري وإنت تدري=الحسن لمصابك الليله يشوفك إتنازع إبروحك=زينب المدمع تسيله والغوالب وآل طالب=حضرت الحامي دخيله لمن گرب ليه الأجل إبعز إنحمل للمغتسل جاهز لعد گبره نزل=حسين ظل محّد يشيله ظل عاري غريب الغاضريه=ولعبت فوگ صدره خيول أميّه وإنسحگ للهادي صدر وراس الفخر فوگ السمر=ومشّوا خواته لليسر