روحي بحسرة تشم بعتابة=بدموع العين السچابة حنت هاي الروح وونّت=للمحراب الليلة اتعنّت شمت مذبح راسك شمت=مذهولة بحيدر وامصابة شمت كل اركان المنبر=شمت عاشگ ذاب بحيدر فزعت روحي بهذا المنظر =تخذف يا بويه ومرتابه تخذف من منظر هذا الدم=ذابت روحي وحيلي اتهدم گلبي بهذا الفزع اتجسّم =من دم راسك صار اخضابة سهرانه بهل الليله ونوحي=مابطّل لاسجنت روحي تتلاوه الروح ويه اجروحي=گلبي الحاير ضل بصوابه لو ارجع باجر للدار =ما يلحگ دمع اعله النار من نار اوداع الكرار=شميت بحسرات اثيابه واكلف من شميت اصعبهه=شاغت روحي وناجت ربهه عمة حيدر دم خضّبهه =ضلت ممدوده اعله اترابه ما خابت روح اللي واست=حيدر واعيالة وماتاهت حازت يوم المحشر حازت=يوفيله الكرار احسابه ماضاگ ولاموحش گبره=ساطع نور بنور الزهره مشهوده ومعروفه العتره=صك حيدر مختوم اكتابه