يـمـهدي مـو لـجل ضـلعي ولا هـو الـخدي الـملطوم         أريــدك تـاخـذ ابـثـارك مــن الـلـي ذبـحوا الـمظلوم
حــرارة ﮔلـبـي مــا تـبـرد ولا الـلـطمة عـلـى خـدي         و كـسـرة ضـلـعي مــا تـهـدأ ولا يـفـتر ألــم ﭼبــدي
إلا ابـطـلـعـتـك يــبــنـي لأخـــــذ الــثــار يـلـمـهـدي         و كـلـمـا أذكـــر امـصـابه عـلـيّ اتـحـاذفت لـهـموم
إذا بــتﮕوم يـلـمهدي لـكـسر اضـلاعـي و الـعـصرة         مـصابي انـسيته يـوليدي لـجل من ظل على الغبرى
أريـــدك تــاخـذ ابـثـارات مــن حــز الـشـمر نـحـره         و راسه انشال فوﮒ ارماح و جسمه اتغسل ابلدموم
ولا تـسـألـني يـلـمـهدي اشـصـار ابـهـجمة الأجـنـاب         لأنّ حـسـين نـسّـاني مـصـاب اجــداري ويــا الـباب
و لا أنـسى مـصابه امـحال و هـو طـايح على لتراب         حــايـر يـكـسر الـخـاطر وحـيـد امـحـاوطينه الﮕوم
و اذا يـلـغـايب ابﮕلــبـك ألــم حﮓ ثــار مـسـماري         و مـــن أفــعـال عــدوانـك و طـبـتهم وســط داري
أريــدك يـبـني ثــار حـسـين تـاخـذ مــن ﮔبـل ثـاري         أنــي مـظلومة بـس حـسين مـا مـثله أحـد مـظلوم
كــل لـحظة مـصاب ابـني يـعصفني ابـألم و احـزان         كـأنـي أنـظـره طـايـح يـويـلي مــن ظـهـر لـحـصان
و جـسـمه يـنـحطم بـالخيل و راسـه يـعتلي بـسنان         يـمـهدي ابـيـومك الـمـوعود عـجـل بـالظهور و ﮔوم
عـلـى الـمـظلوم وادمـعـي مـا أبﭼي الألـم ضـلعي         عـلـى الـمـظلوم آهـاتـي عـلـيه طـول الـعمر أنـعي
عـلى الـمظلوم ولا مـن يـوم مـثله ابعيني و سمعي         عـلـى الـمـظلوم واحـزني واحـزني عـلى الـمظلوم