حوار بين نهر الفرات والحسين (ع) يفرات لاتجفينه يفرات لاتجفينه=فيضك غزير وجاري يفرات لاتجفينه باچر بننزل يمك والعطش ينزل يمنه=وتمنع علينا مايك هاللي انسكب من يمنه تقذف امواجك يسرى ونقذف امواجك يمنه=واحنا ابعطش نتلظى ويانهر لاتجفينه نطلب نداك وشطك حرم علينا انذوگه=ومايك لكل من يسگي وتنبض إليه عروگه يانهر بروي اصغاري من دمعتي المدفوگة=ولاريد منك شربه من بعد ماتجفينه گال النهر مو بيدي ماتشرب امن ازلالي=واخجلتي من شفتك تطلب الماي اگبالي تمنيت جفت عيني وزالت وگوض حالي=ولاسال نبعي الجاري وفي الحال غار امعينه أدري أنا من تنزل يعيش ربيع الوادي=ويفوض ماي فراتي وگلبك على الما صادي مولاي بس لااتعاين لعتاب فت افادي=لتگول يابو اليمه : يانهر لاتجفينه