يجسام الحرب يصعب امرهها = وانته بهالعمر رايد تطرهها ندري ابن الحسن ما يعرف الخوف =ولا گلبه ارتجف من شاف السيوف لكن يالمحب خل عينك اتشوف =اشلون الموزمه القاسم عبرهها وگف شبل الحسن يم يعمه الحسين =ولابس لامته بعمر الرياحين يگله برگبتي ياعم الك دَين =دَين التربيه ولازم ابرهها وآنه بطاعتك يا عمي ملزوم =يا ثالث إمام وحجه معصوم اريد ابصارمي افنيها هالگوم =وامك فاطمه الزهره اسرهها صد ليه الحسين وعبرته انهار =بحنانه ايخاطبه وبإمره محتار انته من الحسن ياعمي تذكار =جاسم ياضوه عيوني ونظرهها گال ابن الحسن ياعمي انخاك =احلفك بالضلع خليني وياك احامي عنك وعن كل يتاماك =والي غدرتك اگطع خبرهها عهد من الحسن ياعمي وياي=اذا شفتك غريب بحالتك هاي اضحي بمهجتي وانطيها دنياي =تهون الروح لاجلك من زغرهها إذن خوض الحرب يا عمي رايد =ادافع عنك ودونك اجاهد وانه بعيني العدا هاليوم اشاهد =محوطتك يبن فارس مضرهها اسمعك تنتخي وتحشم الناس =وظهرك منحني من راح عباس ارخصني يعمي ألگوم الارجاس =وحگ جدي الوصي آنه احتقرهها طلع چنه الگمر للحومه سربال =ينادي ويفتخر چن صوته زلزال انه ابن الحسن هزّام الابطال =وحين الي برز بيّن ذعرهها تقدم للحرب رايدها جسام = يريد التضحيه عن دين الاسلام وصار ابن الحسن لاهل المجد هام = وما هاب المنايه ولا خطرهها