العطش نادر التتان مو إنت اللچنت للبشر سقاي=مايك بالثرى يا حيف هماي روح المصطفى تشوفك=يمك ضامي و تعوفه مات و ما شرب ماي يا نهر اللما خِجل مايَك=و لا تفرهد من أطباعك گسيت بگلبك على حسين=و موسى اللي إنحنى و طاعك عجيبه ما تِحِن يا فرات=و خوه تعنى لك مرات غَرَفك بچفه و الحسرات=و هدك و عافت الگطرات يومٍ صاحت سكينه يا سقاي=جودك يالگُمر خِذني مِن شقاي صاح چفوفي و عيوني=فدوه و يا نفس هوني مات و ما شرب ماي *** *** *** مو إنت اللچنت للبشر سقاي=مايك بالثرى يا حيف هماي روح المصطفى تشوفك=يمك ضامي و تعوفه مات و ما شرب ماي تصِد بعينك و ليدك=علي بجمراته يتألم و لا تتوهم أسماعي=و لجله تنهمُر زمزم رضيعه اللي يدگ بابه=ونينه و يحرس جوابه لهيب گليبه ما جابه=حنون و شلته بأهدابه ما ثار الوفا و تبدل الراي=عبدالله يتهَضَم و إنته هماي ما حنيت=و لا جيته مات و ما شرب ماي *** *** *** مو إنت اللچنت للبشر سقاي=مايك بالثرى يا حيف هماي روح المصطفى تشوفك=يمك ضامي و تعوفه مات و ما شرب ماي حفيد الرَوَك الضامي=عليك بلحظة صار يهون عليه تجدم خصومه=يجدم بيده الميمون عطيش و يطلب حبوبك=و ظن تسهل دروبك عجيب بكربلاء إسلوبك=على حسين الگسى ينوبك نادر تِعشَت ضلوعي من ضماي=يمك يا نهر و اتروى بدماي الله شيغسل ذنوبك=مهجة فاطمة صوبك مات و ما شرب ماي *** *** *** مو إنت اللچنت للبشر سقاي=مايك بالثرى يا حيف هماي روح المصطفى تشوفك=يمك ضامي و تعوفه مات و ما شرب ماي