الخيل يهل الخيل شدوا اعنانها=يا بني هاشم او يا عدنانها الخيل يهل الخيل لوحو اخيولكم=علهظم ماظن تنام اعيونكم دارت اعلى احسينكم عدوانكم=من بني كوفانها او سفيانها دارت اعليه الكفر سبعين الف=اتلملمت خيل او زلم ما تنعرف او دبدبت راياتها للطف ترف=او سدت افجوج الفيافي ابزانها دركلت بالطف عليه و تلملمت=اسيوف و رماح او نبل كلها أجت و اربع امجاسم اعليه اتجسمت=صرخ بيها او ريحت فرسانها صرخ بيها او جالها جول الرحه=و ادعه خيل الكفر بالدم سابحه و الجثث ببحور دم او طافحه=اتموج بيها او فيضت وديانها فيض الوديان من دم العده=و المنايا ابسيفه او جوس الرده لعب بيهم لعب لاجن وحده=او عزل كل الروس عن أبدانها عزل عن الجثث روس ابصارمه=او لعب بيهم ما لعب حامي الحمه او صعد عج الرمك لعنان السمه=اظلمت الدنيه او جميع اركانها اظلمت او جيمانها دارت اعليه=بالسيوف او بالرماح اعتنت ليه ظل يدير العين بس يصفج يديه=ايصيح ينخه ابهاشم او فتيانها ما درت هاشم احسين ابكربله=او ما درت ذبحوا أنصاره او كل هله او ما درت هاشم بخوته امجتله=امطرحه او بس الذواري اجفانها