في رثاء القاسم على لسان عمه الحسين (ع) اصبي عيني سقط منها او بعد ماشوف=تفايض دم دمعها أولا يفيد الروف يا شبيب بعدهي لذته ابنفسه=يا مذروب يا مونس هله ابحسه يا عريس ما تهنو هله ابعرسه=على اطراف الاسنه للّحد مزفوف متولف العرسك و احسب ايامك=و اترجه ازفك آنه و اعمامك يوسفه امنصتك تربان و امنامك=رحت مجسي يعقلي بالنبل و سيوف يبويه الدهر عمله هلعملها اوياي=اخذ شعرة اقليبي او قطع بيها احشاي اخبرنك يبويه يا وليدي هاي=ما خلت ابعقلي او لا ابعيني شوف بس ظليت دمعي اعليك اهملنه=كل جسمي خلص بس اجذب الونه جنت ارجه يبويه بيك اتهنه=و زفك للعرس بيدي و علقن حوف يعباس ابن اخيك شابحه اعيونه=ليك او كل عمامك خل يحضرونه اترجه يزفونه او يهنونه=ابعرسه او عد جميع الناس اهو معروف