في شجاعة الحسين و شهادته عليه السلام صول احسين او صرخ بجموعها=او جذب سيفه اللي يفصم ادروعها لاح ميمونه الفحل صال او حمل=جم و جم ضيغم المن سيفه انذهل صال عاليمنه او على اليسره عدل=و الرمك ضلت تجسر بصروعها من عقب قومه ضل ويلي وحيد=كسر لبس بالرمح وين العجيد لاح سمر تسمع السيفه رعيد=ابطوس و دروع العده و ظلوعها كسر شرد ذهل جم ضيغم غشوم=فرث طشر سرب بالحومه او يحوم زبد و ارزم زم دمه او بيها الجسوم=سبحت او طشر جميع و فزوعها للعده افزوع او جمع ما مش بعد=حين حام ابها او صرخ بيها او رعد الفعل ابو السجاد من ضده شهد=او صار الف وسفه المنيه ابطوعها للمنيه سلم أوصابه الحجر=ابقصته وسفه لبن راس الفخر شال ثوبه او بالقلب سهم القدر=نبت و تناخت الجان ابروعها ابسهم قلب احسين يا ويلي انرمه=ظهر من ظهره او جره اوياه الدمه شظف نص جبده لبن حامي الحمه=او وقع من غوجه الفاني اجموعها وقع من غوجه او كثر بيه الطعن=و النبل و الزان بفاده يرن ظل طريح او ليه لفت زينب تون=او تهل من دم القلب بدموعها بجت زينب و الحرم كلهن بجن=من سقط عنهم يويلي و لولن او بالخلى او من الخيم عقبه اتنافجن=النار شبوها العده بربوعها