جينا يخويه جيّة ترضى لنا ابها لجيّه=ليتك حضرت الوقعه بالحربة المحميّه وينك غبت يا محمّد يا متعب الحرّابه=محمّد يكاس العلقم ماهم كفوا شرابه يوم الجمل بالبصرة سبعين ألف مناصبه=اُوصفّين ماحد غيرك خلا الجثث مرميّه اتمّنيت لنك حاضر يوم الحرب والصوله=جانا ابن سعد ابعسكر وابن الضبابي ابدوله وارماحهم مشروعه واسيوفهم مسلوله=لكن غبت ويش بيدك يا لجمرة المحميّه وسفه غبت يا محمّد ما جيت يوم الوقعه=اُوشفت الكتايب جايه الحرب الولي مجمعه تلقى المواضي تلمع اُوفرسانها مدرعه=مثل الشياطين حاله واقلوبهم معميّه لو كاتب الله اُورايد ما فاتتك هالنصره=واتشوف عينك يوم ما هو الجمل والبصره وصلت الصيحه الكوفة وابن الخنا في قصره=صاح الدهم وصلتنا وانكسرت الحربيّه جتنا يخويه دولة لا بارك الله فيها=ما ينعرف شاميها ياخوي من كوفها شبت علينا نارها ماحد قدر يطفيها=اكلت جميع اخواني وامست اُوهي مطفيّه بتنا يخويه ليله في خيمة مشبوبه=والروس كلها اقبالي فوق السمر منصوبه والجثث ظلّت صرعى فوق الترب مذبوبه=وامن الصبح سافرنا اُوظلّت جثث مرميّه قالت يخويه يوم شدّوا وصار لمجال=والجو اظلم والتقت أبطال ببطال ظلّيت انا انخي واخويه بوالفضل قال=لَحد يزينب أثر ما تدرين بيّه أخبرك ياخويه علينا دارت اصفوف=وانا يخويه أرتعد وارعش من الخوف صارت مناياهم ارجالي برض لطفوف=ما شفتني متحيّرة في الغاضريّه وأمّا أبو فرجة بطلنا صعب لمراس=أعني أبا فاضل اُخويه البطل عبّاس باعمود صابوا له يخويه اُو فضخوا الراس=اُونادى ابعالي الصوت اُخويه اِلحق عليّه وأمّا علي لكبر وقع ما بين صفّين=اُو نادى تسلم لي يبويه اعلى النساوين اُومن خر علي لكبر يخويه اتنكر اِحسين=اُومن شافته اُمّه بكت اُوخرّت رميّه اُوأمّا الولد جاسم يخويه اِهناك زفّوه=عمّه اِبوحده لبّسه النسوان حنّوه اُودشّوه على سكنة فرد ساعة اُوخلّوه=اُوصار العرس في ساعة ازفافه عزيّه بس ما سمع منها الحكي محمّد مشى اُوطاح=واقبل يحاكيها اُو يبكي اُو يصفق الراح ايقلها يزينب وين عنّك بو الفضل راح=اُو منهو تكفلكم عقب عين الشفيّه قالت يخويه يوم شدوا وصار لطراد=اُوشمّرت عن ذرعانها هذيك لولاد واِحسين ياخويه يوصي زين لعباد=والله حسافة ما بقت منهم بقيّه واِحسين اخويه متكي اعلى قائم السيف=كُل ساع يجدب زفرته ويقول يا حيف والله حسافة اتذبّحوا في جمرة الصيف=اُوفاتت يخويه ابها عليكم بنو اُميّه