في داعة الله يا غريب الغاضريّه=يا كعبة الوفّاد لا تعتب عليّه لو حصل لي بيدي يبعد اهلي يمظلوم=ما رحت وانته بالثرى امخضب بلدموم لكن بلا والي اسيره في يد القوم=بانصب عزاكم يخوتي فوق المطيّه والله يبو السجّاد عنّك غصب باشيل=وانظر ابعيني جثتك من غير تغسيل لجلك لقيم النوح دهري واسهر الليل=اتمّنيت عمري انقصف قبل الغاضريّه يحسين يبن اُمّي يقيدوم الظعينه=تقعد يبعد أهلي اُوردنا للمدينه تدري انا اركوب الجمل ويني اُوينه=ويني يبو السجّاد واركوب المطيّه بالأمس في ارض المدينة ابخدر موصوف=من فوق فرسي جالسه في عز واسجوف واليوم فوق الجمل واستر بلكفوف=من كربلا للشام ودوني هديّه عتبي على حامي النجف مردي العساكر=قاتل عمرها اُو فاتح احصون الخيابر يا ليت داحي الباب ذاك اليوم حاضر=يا حي ذاك الشوف من راعي الحميّه وينك يداحي الباب يا ليث الحريبه=يا مظهر الإسلام وللهادي حبيبه قوم ادرك اللي امحجبه في ارض طيبه=من قبل ما توصل إلى نسل الدعيّه