مرّوا ابراس اِحسين واَنواره ايتلالا=ما كنّه إلاّ البدر في ليلة كماله ما أرى انا إلاّ نايحة يجري دمعها=مطوي على الأحزان والبلوى ضلعها والراس لازم يحتني لو مَن سمعها=لا طالعتها الناس صاحت وا خجاله سمولها العدوان اسم غير اسمها=اُو هذا الذي ذوبها وانحل جسمها بكفي عليها في السفر صيحت يتمها=اُو تذكر خليص كان عاشت في ظلاله نوح اليتامى احراب يسطي في الضماير=نوح اليتامى تنفطر منه المراير وين الذريعه من اهلها والذخاير=ما يجي علي ويشوف آله باي حاله اُومروا ابعليل القيد ساقه قاصمنه=ما يبرح إلاّ يشتكي ويصيح منه اُو حوله حريم تسئل التخفيف عنه=والله حراير ينبكى لها اُو ينبكى له والله يفجر نوحها الصخرة الصما=لاجا احداها مدت ايديها ايتضمه يعزز على حيدر علي وولاد عمه=اُو يعزز على الهادي يشوفه اباي حاله اعيون اليتامى تدور حوله وين ما دار=ايقولون يابونا انتلفنا من هلكوار لامّن سمعها هلّت اعيونه ابتزفار=شلّت يمين الحادي اُوشلّت شماله إبها لحال تتلف ما اظن اتوصل الشام=لوما يكون إلاّ كثر حنت هليتام واَعظم عليها من تشوف الراس قدّام=هل كيف ما تخجل اُو تاخذها الخجاله