زينب تنادي ابكربلا يا مظهر الدين=ادرك بناتك مالها كافل ولا امعين شق الضريح اُو قوم يا هزاز لحصون=واسمع اُولادك في الثرى صرعى يونون واسمع بواكي الحرم في الخيمة ينحون=عجّل علينا يا علي امن ارض الغريين ما هيّة عادة لك يداحي باب خيبر=ايناديك خايف ما تجي عنده اُو تحضر ادرك بناتك حايره ابولية العسكر=والليل مظلم والخيم وحشة خليين ما بين ما تنخاه يا عزنا اُولينا=الليل مظلم يا علي اُو موحش علينا لبى نداها اُوقال ليها يا حزينه=خفي من اعتابك حرقتي قلب ابو احسين روعت قلبي يا الذي مقبل علينا=كنك ابو الحسنين حامينا اُوولينا قلها اُويهل دمعه ابخده يا مصونه=جيتك احرسك والحرم عن ها المححدين قالت يبويه اشلون للمظلوم ماجيت=مره يبو الحسنين عن ابنك تبريت دبحو اخوته اُو عزوته يا محيي الميت=في فرد ساعة اذبحوا سبعين واثنين كل ساع انادي لك يحيدر وانتخي لك=ذبحوا اُولادك يا علي اُووجوا غليلك ما عندنا رجال يا حيدر يجي لك=ويقول لك ماجور يابو الحسن بحسين الله يثيبك يا علي ابهاذي الرزيّه=سبعين مدرع ما بقت منهم بقيّه إلاّ عليل ايطوح الونّة خفيّه=بيده يصك راسه ويصيح ابصوت يحسين