امسى المسا واِحسين ما بطل ونينه=ما اُوحش الدّنيا ابهالليلة علينا ما اُوحش الدّنيا علينا هالعشيّه=من قلة الوليان واخيام خليّه مادري انا ابها لليل ويش يجري عليّه=عجّل علينا يا علي عجّل علينا يا فرج الله تنقضي وحشة الليله=باكر يعين الله على اركوب الهزيله بانشيل عن جسم الولي ماحد يشيله=ما نقطعه حتّى لوانه قطع بينا خلني ابامضي البو الفضل باشكي له الحال=بلكي يدبرني ابحال في هلطفال انا واطفالي نشيله انكان ينشال=قلها توفى من متى اُوغمضت عينه هاللي ترجينه بقي بالترب طايح=واخوانك الضفرين من حوله ذبايح اموات كلهم ما يسمعون الصوايح=ماحد من ارجالك بقي تترقبينه اُوهذا حكيك للولي من قلة الراي=صبري استعدي للبلا لن البلا جاي اُو لازم تسلكين الدرب للشام وياي=يامى من الأهوال من شيء ترينه واللي يرد الخيل عنّك داسته الخيل=من عقب عينه مالك امساعد ولا اكفيل شبعي مذلّة يوم فارقتي الرجاجيل=راح الذي يحميك واتوسد يمينه نزعى المعزه والبسي بردة الذلّه=عزك ذبحنا والذي اتلوذي ابظله واما تركبين الجمل بالطيب والا=بانركبك وانكان تقوين امنعينه قالت ذليله والعدو ما اقدر امنعه=لو كان بيدي ما ركبنا ابغير اقنعه انكبت على اسكينة اتقبلها وتنعى=الله على ذاك الرجس ما بكت عينه كلما اتوسل زادها الملعون لوعه=اركوب الجمل عيت ولاهي مستطيعه لو انتلف لو انذبح ماني امطيعه=نركب بلا والي اُوقنعه ما علينا والله خجاله يا خلق ندخل الكوفه=انا مع الايتام دخلتنا الكوفه اُوعزنا طريح ابكربلا قطعوا اكفوفه=يا غيرة الله شمتت العدوان بينا