طلعت من الفسطاطا زينب تندب احسين=ادركنا يبو السجّاد حاطتنا الملاعين اِدركنا يبو السجّاد حاطتنا ترى الخيل=والخيم ما فيها سوى السجّاد لعليل سمع بناتك تنتحب واتصيح بالويل=يحسين عدوانك ترى هجموا الصياوين يحسين نقدر نجي لك ياولينا=للمعركة والقوم خدرك حايطينه خلّه يجينا بوالفضل حامي الظعينه=حتّى إلى جسمك نجيله ياضيا العين وانكان ما يقدر يجي العبّاس لكبر=والجاسم العريس والانصار تحضر واِنته معاهم يا ولينا يا لغضنفر=ندرك الراحه من تجونه للصياوين وانكان ما تقدر يبو سكنة تجينا=بانجيك يابن اُمّي انا ويا اسكينه بانشيل جسمك للمخيم يا ولينا=ما يستوى جسمك يظل بالثرب يحسين نادى يزينب لا تزيديني ونيني=ما تنقل البتار يا زينب يميني خلي اعتابك يا حزينة واعذريني=اُوباري اطفالي يا حزينة والنساوين اُوحطي النظر يختي على بنتي اسكينه=اُولا تتركي سكنة إلى العركة تجينا تنظر جثثنا بالعرا اُوتبكي علينا=هل كيف تصبر من ترى العسكر محيطين التموا على ذبحي يزينب يا حزينه=اُوبن سعد ينخا عسكره حزوا وتينه اُوشمر الضبابي جاي سيفه في يمينه=ويقول انا اُولا ابذبح ابن النّبي احسين