راعي الحميّة سافر اُوطوّل الغيبه=سافر عسى الله يرجعه لينا اويجيبه ويلي على اللي سافر بأهله اوجمعه=وان كان قاصد كربلا ماليه رجعه ركن الهدى والدين والحاكم ابشرعه=للبس اثياب الذل بعده والمصيبه ايقولون وصل مكّة اُوجاته مكاتيب=ما ظنني الا افك كلها اُو اكاذيب ما خوفي إلاّ من عدونا سهمه ايصيب=رميّه علينا من قبل كنّا نصيبه يحسين لا تعطي انقياد اَهل الكوفه=اَهل المكر والغدر واقلوب الخلوفه ويزيد تدري به اِلك شاهر اِسيوفه=يدعي الكوفة النصرته اُولازم تجيبه خذلك حذر منهم ولا تعطي مواعيد=خوفي يصيرونك غنيمه ابولية ايزيد وان سايلوك اَهل البوادي وينه اتريد=واقلوبنا من هالسفر كُلها امريبه يا من شرع للدين والاسلام منهج=يا زين عرش الله بل يا كعبة الحج ريّض تريث ولينا اُوتمم الحج=باتروح اُوباتخلي العوالم في امصيبه يحسين تبكيك المنابر في المدينه=راعي المنابر والمواعظ يا ولينا شمامة المبعوث بل يا نور عينه=مهجة اِفاده يا لولي اُوعينه اُوحبيبه