فاطمْ تقول لولادها وإدموعها همّالهْ=قوموا نودّع للنّبي حطّوه في شيّاله طلعت اُوهيه اتنادي اُوشبلينها ويّاها=يا والدي يا محمّد يا مصطفى يا طاها عن بضعتَكْ باتسافر تشمتْ عليها اعداها=وانكانْ عنّي شايل وياك آني شيّاله لحد يبو شبليني باتروح عن شبليني=وآني العزيزة عندك باتروح واتخلّيني الله لَشد إعصابتي واَهمل مدامعْ عيني=وانكانْ عنّي شايل وياك آني شيّاله يا عزوتي يا رجالي قوموا ادفنوني حيّه=من غير ماي جاري اُومن غير غسل اُونيّه لجله لَشد إعصابتي ما دام عيني حيّه=واِمن الحزن لتحمّل حمل يكض شيّاله بالهون يا شيّالة بالهون يا شيّالَه=نعش النّبي المصطفى بالهون يا شيّالَه يا مجهّزين الهادي بالهون لا تشيلونهْ=خلّه تجي له عزونه(1) واجماعته ايحضرونه خلّوا البتولة اتودعَه من قبل ماتدفنونهْ=خلّه تجي سبطينه هاليوم تنظر حالَهْ جتّي البتولة إتنادي مَعْ والدي دفنوني=يا ياب عفت الدنيا بعدك ينور اِعيوني يا ياب جتني قومك وابنارهُم حرقوني=اُوقادوا وصيّك وتركَوا لمدامعي همّالهْ ما دابها إلاّ تنتحب في دارها واتنادي=قوموا لقبرِ المصطفى بانروح يا اُولادي ننصب عزانا عنده إنحشمه وانْادي=يا بوي صرنا بعدك في ذلْ واسوأ حالهْ يعقوب ما صار ابحزنْ يا ياب مثل أحزاني=ولا دنيه نالتْ مثلي اُو عشير أشجاني وأظلم عليّهْ كوني واتشمّتت عدواني=بعدك رمتني الدّنيا اُو معتادها ميّالهْ يابه عليّ المرتضى دخلوا عليهْ إبدارهْ=والأجنبي يا بويّه بعدك حرّقها اِبنارهْ وآني صرت يا والدي بين العدى محتارهْ=والحسن سبطَك ينتحب واِمدامعه همّالهْ واِحسين سبطك يبجي دوبه يجر الونّه=في وين جدنا المصطفى ذاليوم سافر عنّه اُوحيدر يون اُوينتحب والنوح صاير فنّه=ويقول عنّي سافر هاللي عشت باظلالهْ (1) لا يخفى ما في الشطر من إرباك بيّن