عــلــيـلـه وفـــكـــري مــحــتـار         يــبــويــه مــوحــشــه الــــــدار

يـبـويه الــروح مـفـجوعه ولابـت         وبگيـت أسحن مرار الصبر والهم
دلـيلي اتگطـع ومـا ظـل ولا بـت         هـلي راحـوا عـليهم أحـن والـهم
لا والـــد مــثـل حـالـط، ولا بــت         مثل حالي، وحملت الهظم والهم
دلـــيــلــي اتـــســجَّــر ابـــنـــار         أنــــوحـــن لــــيـــل وانــــهـــار

اهـلالـك غــاب يـا مـظلوم مـاتم         الـهـظـم لاحــت اهـلالـته وهـلـها
عـليك انـصبت وسط الگلب ماتم         واسـيل ادمـوعي لـمصابك وهلها
كــل والــي وأخــو بـهالدار مـاتم         اشـحـال الـتـفگد اخـوتـها وهـلـها
عگب اهـــلــي الـــدهــر جـــــار         مــــــرض وهـــمــوم واكـــــدار

مــنـك مـــا بــعـد جــيَّـه ومـــرَّه         أخـط اعـله الگلـب حزني وسايل
شـفت بـعدك شـدد صـعبه ومرَّه         وأنــاشـد عـنـك الــوادم وسـايـل
مــره ادمـوعـي امـسـحها ومـرَّه         أصــب الـدمـع لـفـراگك وسـايل
عگب غــــيــــبـــة الأنــــــــــوار         اصـــــــب الـــدمـــع مــــــدرار

زمـانـي اخــلاف ولـيـاني ولانــي         إلـى مـهجه انـفنت إلهم واليروح
الـحزن غـيّر وصـف وجهي ولاني         عـلـيهم وانـشد الـيرجع والـيروح
لانــي اعـلـه الـصـبر أگدر ولانـي         أگدر أحــمـل اصـوابـي والـيـروح
يــبـويـه اشــصــار مــــا صــــار         بگيـــــــت اتـــنــطــر اخـــبـــار

لـون تـحسب مـحن گلـبي تراكم         أعـــد هـمـومـي واتـحـيّر بـعـدها
الـحـزن عـالگلب يـا بـويه تـراكم         وبـعـدهـا الـــروح تـنـتطَّر بـعـدها
بـعـد مــا اصــدِّگ عـيوني تـراكم         وزمـانـي اوجـوهكم عـني بـعدها
شــفــت ظــعـن الأهـــل ســـار         اخـــــــذ أهـــلـــي والانـــصـــار

اشـداد الـصبر مني انگطع ونحيل         وزمـاني ايـطشر افـكاري ولـمها
نـاديـت الگلـب مـن تـون ونـحيل         اشــحـال الـمـالـها والــد ولـمـها
عليله وضعف مني الجسم ونحيل         يــبـويـه وعـلّـتـي زايـــد ولـمـهـا
بـــعــد مـــــا ظـــلــت افــكــار         حــزيــنــه وحــيــلــي مــنــهــار

الـعـتب شـيـفيد مـا أعـتب ولالام         وجمر عتبي ابمراعي الچبد يرعه
الـدهر فـرق شـمل أهـلي ولالام         راح الچان الـــي بـهـالدار يـرعـه
مـهـجتي بـالـمرض تـرزح والآلام         وكـلسا أجـرع مـن الـموت يرعه
عـــلَـــي چف الأجـــــل شـــــار         بـــعـــد شــتــشـوف الأنـــظــار